హైదరాబాద్, వెలుగు: తమ సేవలకు వరంగల్లో డిమాండ్ పెరుగుతోందని క్విక్ డెలివరీ కంపెనీ ఇన్స్టామార్ట్ తెలిపింది. పది -నిమిషాల డెలివరీకి అద్భుతమైన స్పందన లభించిందని, కూల్డ్రింక్స్, వంటనూనెలు, నెయ్యి అమ్మకాలు 200 శాతం పెరిగాయని ప్రకటించింది. ఒక కస్టమర్ గత 12 నెలల్లో ఏకంగా 292 ఆర్డర్లు ఇచ్చారని పేర్కొంది. మధ్యాహ్నం వేళల్లో షాపింగ్ ఎక్కువగా జరుగుతోందని, పండుగల సమయంలో ఆర్డర్లు బాగా పెరుగుతున్నాయని ఇన్స్టామార్ట్ సీనియర్ ఎగ్జిక్యూటివ్ ఒకరు చెప్పారు. గత ఏడాది వరంగల్లో తమ సేవలను మొదలుపెట్టామని చెప్పారు. కిరాణా సామాన్లూ భారీగా అమ్ముడవుతున్నాయన్నారు.
