- సెన్సెక్స్‌తో పోలిస్తే నష్టాలు తక్కువంటున్న ఎనలిస్టులు
- దేశాలవారీగా ఎంఎఫ్ లను ఎంచుకోవచ్చు
- సెక్టార్ల వారీగానూ ఇన్వెస్ట్ చేయొచ్చు
- గ్లోబల్ కంపెనీల స్టాక్స్లో ఇన్వెస్ట్ చేసే చాన్స్
బిజినెస్ డెస్క్, వెలుగు: మార్కెట్లో ఇప్పుడున్న పరిస్థితులు ఫారిన్ ఈక్విటీ, ఎక్సేంజ్ ట్రేడెడ్ ఫండ్స్, ఇంటర్నేషనల్ మ్యూచువల్ ఫండ్స్లో పెట్టుబడి పెట్టడానికి అనువుగా ఉన్నాయని ఎనలిస్టులు చెబుతున్నారు. ఒకే దానిలో కాకుండా రకరకాల రంగాల్లో పెట్టుబడులకు ఇదే సరైన సమయమని అంటున్నారు. అయితే ఫారిన్ మార్కెట్లలో ఇన్వెస్ట్ చేసే ముందు రెండు విషయాలను తప్పకుండా దృష్టిలో ఉంచుకోవాలి. ఏ ఎసెట్ కొనాలనేది ఒకటోది అయితే ఎంత మొత్తం పెట్టొచ్చు అనేది రెండోది. మొదటి ప్రశ్న అడిగినప్పుడు.. సంపన్న దేశాల మార్కెట్ల నుంచి కొన్ని షేర్లను కొనుక్కోవడం తెలివైన పని అని పర్సనల్ ఫైనాన్స్ ఎక్స్పర్టులు జవాబిస్తున్నారు. మరో ముఖ్యమైన విషయం ఏమిటంటే ఒక దేశంలో ఈక్విటీ మార్కెట్నెగటివ్లో ఉన్నంతమాత్రాన వేరే దేశంలోనూ అలాంటి పరిస్థితి ఉంటుందని అనుకోకూడదు. ఉదాహరణకు 2015లో సెన్సెక్స్ విపరీతంగా నష్టపోయింది. యూరప్, జపాన్ మార్కెట్లు మాత్రం అదే ఏడాది బాగా లాభాలను సంపాదించాయి. 2017లో సెన్సెక్స్ 28 శాతం లాభాలను అందిస్తే, చైనా హాంగ్సెంగ్ సూచీ 36 శాతం నష్టపోయింది. గ్లోబల్ క్రైసిస్ వచ్చినప్పుడు అమెరికా వంటి మార్కెట్లు ఇండియా లాంటి మార్కెట్ల కంటే తక్కువ నష్టపోతాయి. 2000 సంవత్సరంలో టెక్ సెక్టార్ కుప్పకూలినప్పుడు సెన్సెక్స్21 శాతం పడిపోతే, అమెరికా డో జోన్స్ సూచీ కేవలం ఆరు శాతం నష్టపోయింది. 2008లో సెన్సెక్స్ 52 శాతం నష్టపోతే, యూఎస్ మార్కెట్లలో కేవలం 34 శాతం కరెక్షన్ వచ్చింది.
సెక్టార్ల ఎంపికా ముఖ్యమే…
డాలర్ ఆధారిత మార్కెట్లలో ఇన్వెస్ట్మెంట్కు ప్రయారిటీ ఇవ్వడంతోపాటు ఏయే సెక్టార్లో డబ్బు పెట్టాలనేది ముఖ్యమే! చాలా ఇంటర్నేషనల్ కంపెనీలు గోల్డ్ఫండ్స్, రియల్టీ ఫండ్స్, అగ్రి ఫండ్స్వంటి ఏదో ఒక ఇంటర్నేషనల్ మ్యూచువల్ ఫండ్లో ఇన్వెస్ట్ చేస్తాయి. ఇది వరకే ప్లెయిన్ ఫండ్స్లో, డొమెస్టిక్ ఈక్విటీల్లో డబ్బు పెట్టిన వారికి ఇవి అనువైన ఫండ్స్. ఇవి వద్దనుకుంటే ఫండ్స్ ఆఫ్ ఫండ్స్లోనూ ఇన్వెస్ట్మెంట్ చేయవచ్చు. ఇవి డొమెస్టిక్ మార్కెట్ నుంచి కార్పస్ను సమీకరించి సేమ్ పేరెంట్ కంపెనీ ఆఫ్షోర్ ఫండ్స్లో మదుపు చేస్తాయి. ఫండ్ మేనేజర్ఇండియాలోనే ఉంటూ ఇన్వెస్ట్మెంట్లపై నిర్ణయాలు తీసుకుంటాడు.
యూఎస్ మార్కెట్ ఎందుకు బెస్ట్?
ఇండియా వంటి డెవలపింగ్ కంట్రీల స్థూల ఆర్థిక వ్యవస్థలకు ఆటుపోట్లు వస్తే ఇక్కడి ఈక్విటీ మార్కెట్లు కుప్పకూలుతాయి. ఆయిల్ ధరలు పెరిగినా, డాలర్ విలువ పెరిగినా, ఎఫ్పీఐలు తమ ఇన్వెస్ట్మెంట్లను వెనక్కి తీసుకున్నా సెన్సెక్స్ నష్టపోయే అవకాశాలు ఎక్కువ. అమెరికా మార్కెట్ల ఇన్వెస్టర్లకు ఇలాంటి భయాలు అవసరం లేదు. కరెక్షన్ చాలా తక్కువగా ఉంటుంది. డాలర్ విలువ పెరిగితే ఓవర్సీస్ ఇన్వెస్టర్లకు ఇంకా లాభం. అయితే చైనా, జపాన్వంటి ఎమర్జెన్సీ మార్కెట్లలో ఈక్విటీలు కొనడం వేస్ట్. ఎందుకంటే ఈ దేశాల ఇండెక్స్లు కూడా సెన్సెక్స్ మాదిరే పనిచేస్తాయి. మనదేశంలోని చాలా స్టాక్బ్రోకరేజీ కంపెనీల ద్వారా ఇంటర్నేషనల్ మార్కెట్లలో ఇన్వెస్ట్ చేయవచ్చు.
ఇవి కూడా చదవండి
రూ. 431 కోట్లు కట్టండి : బార్క్కు టైమ్స్ గ్రూప్ లీగల్ నోటీసు
టెస్లా రాకతో రూపురేఖలు మారిపోనున్న.. ఎలక్ట్రిక్ వాహనాల మార్కెట్
హైదరాబాద్లో భూములపై పెట్టుబడి రూ.7 వేల కోట్లు
శేఖర్ కమ్ముల ‘నీ చిత్రం చూసి’ సాంగ్ రిలీజ్
