సోషల్ మీడియాలో నిత్యం యాక్టివ్ గా ఉండే ట్విట్టర్ అధినేత ఎలాన్ మస్క్ మరో సంచలన న్యూస్ తో మళ్లీ వార్తల్లోకి ఎక్కాడు. చిత్ర, విచిత్రమైన ట్వీట్లు చేస్తూ.. కాస్త సెటైరికల్ గా కామెంట్స్ చేసే మస్క్.. ఈ సారి చెప్పకనే ఓ వార్తను చేరవేశారు. మొన్నటివరకూ ట్విట్టర్ మీద పడ్డ మస్క్.. ఇప్పుడు సోషల్ మీడియాపై కన్నేసినట్టు తెలుస్తోంది. త్వరలోనే ఓ వెబ్ సైట్ ను క్రియేట్ చేస్తానని పరోక్షంగా వెల్లడించారు. ఇటీవలే ట్విట్టర్ కొనుగోలు ఒప్పందాన్ని రద్దు చేసుకుంటున్నట్టు ఎలాన్ మస్క్ ప్రకటించిన విషయం తెలిసిందే. అయితే ఈ సందర్భంలో ట్విట్టర్ డీల్ పై ముందుకెళ్లకపోతే... సోషల్ మీడియా వెబ్ సైట్ ను సృష్టిస్తారా అన్న ఓ యూజర్ ప్రశ్నకు మస్క్ సమాధానమిచ్చారు. దీనికి ఆయన ఎక్స్.కామ్ అనే పదంతో రిప్లై ఇచ్చారు. అంతకు మించి వివరాలను మాత్రం ఆయన వెల్లడించలేదు. దీంతో ఆ పేరుతోనే ఆయన సోషల్ మీడియా సైట్ ఓపెన్ చేస్తారని ప్రస్తుతం ప్రచారం జరుగుతోంది.
అయితే ఎక్స్. డామ్ అనే డొమైన్ ను మస్క్ 1999లోనే స్థాపించారు. 2017లో మళ్లీ వారి నుంచి దక్కించుకున్నారు. కొన్నాళ్లకు సైట్‌ను పునరుద్ధరించానని చెప్పారు. అయితే ఈ ఎక్స్.డామ్ (X.com ) ఏంటా అని ఇప్పుడు ఓపెన్ చేస్తే కేవలం 'X' అని మాత్రమే కనిపిస్తోంది. దీని గురించి మస్క్ కూడా ఎలాంటి వివరాలూ చెప్పకోవడంతో... ఈ మస్క్ నెక్స్ట్ చేసే పని ఏంటా అని పలువురు కిందామీదా పడిపోతున్నారు.
Have you thought about creating your own social platform? If Twitter deal doesn’t come through
— Tesla Owners Silicon Valley (@teslaownersSV) August 10, 2022
