నాన్​వెజ్​ టిఫిన్ అదుర్స్ ​.. ఇంట్రెస్ట్ చూపిస్తున్న ఐటీ ఎంప్లాయీస్

• పొద్దున నాలుగు గంటలకే ఓపెన్​
•     అందుబాటులో వెరైటీ రుచులు 
•     సిటీలోని  పలుచోట్ల సెంటర్లు
•      ఇంట్రెస్ట్ చూపిస్తున్న యూత్​, ఐటీ ఎంప్లాయీస్

హైదరాబాద్​, వెలుగు:   టిఫిన్స్​లో ట్రెండ్, టేస్ట్​ రెండూ మారాయి. చట్నీలకు బదులు నాన్​వెజ్ ​వెరైటీస్ తింటున్నారు సిటిజన్స్​. వేడి వేడి పాయలో ఇడ్లీని నంజుకొని తింటుంటే ఆ మజాయే వేరు.  అది కూడా పొద్దున నాలుగు గంటలకే. ఇడ్లీ విత్​ పాయ, ప్రాన్స్​దోశ, చికెన్ ​విత్ ​పూరి..  ఇలా వెరైటీ కాంబినేష న్ లో నాన్​వెజ్ ఐటెమ్స్​తో టిఫిన్ ​సెంటర్లు ఎర్లీ మార్నింగ్ ​నుంచే అందుబాటులో ఉంటున్నాయి. సిటీలో నాన్​వెజ్​ టిఫిన్స్​కల్చర్​ మొదలై చాలా కాలమైనా.. ఫేమస్ అయ్యింది మాత్రం ఈ మధ్యేనే. నాన్​వెజ్ టిఫిన్​ను తినేందుకు  యూత్, ఐటీ ఎంప్లాయీస్​ ఎక్కువగా ఇంట్రెస్ట్​ చూపుతున్నారు. 

ఐటీ కారిడార్​లో ..

ఫుడ్​లో కొత్త వెరైటీ​ ఏది వచ్చినా.. ముందుగా లాంచ్​అయ్యేది ఐటీ కారిడార్​లోనే. ఐటీ కంపెనీలు ఎక్కువగా ఉండే మాదాపూర్​, గచ్చిబౌలి, హైటెక్​సిటీ, కూకట్​పల్లి తదితర ప్రాంతాల్లో నాన్​వెజ్​ టిఫిన్ సెంటర్స్​ ఎక్కువగా వచ్చాయి.  స్టూడెంట్లు ​ఎక్కువగా ఉండే అమీర్​పేట్, దిల్​సుఖ్​నగర్, అశోక్​నగర్​ లాంటి ప్రాంతాల్లో కూడా రన్​ చేస్తున్నారు. ఉదయం నాలుగు గంటల కొన్ని నాన్​వెజ్​ టిఫిన్​ సెంటర్స్​ ఓపెన్​ చేస్తున్నారు నిర్వాహకులు. మధ్యాహ్నం 12 గంటల దాకా ఒక్కో టిఫిన్​ సెంటర్​కు వందల సంఖ్యలో కస్టమర్లు వస్తున్నారని చెబుతున్నారు. 

కాంబోను బట్టి రేట్లు..

టిఫిన్ సెంటర్లలో ఇడ్లీ, వడ, పూరి, దోశ వంటి ఐటెమ్స్​ ఉంటాయి. కానీ చట్నీలకు బదులు నాన్​వెజ్​ కూరలు, ఫ్రైలు లభిస్తాయి. పాయ ఇడ్లీ, చికెన్​ ఇడ్లీ, ఇడ్లీ నాటుకోడి, చికెన్​ కీమా దోశ, నాటుకోడి దోశ, కీమా దోశ, పాయ దోశ, ప్రాన్స్​ దోశ, బోటి దోశ, పూరి విత్ పాయ, పూరి విత్​ మటన్​ కర్రీ, పూరి విత్​ చికెన్​ కర్రీ.. ఇలా డిఫరెంట్ ​టైప్స్​కాంబోలు దొరుకుతాయి. వాటిని బట్టి రూ. 100 నుంచి రూ. 250 దాకా రేట్లు ఉన్నాయి. రేట్లు ఎక్కువ అనిపిస్తున్నప్పటికీ, నాన్​వెజ్ ​క్వాంటిటీ కూడా అంతే ఉంటుందని, అలా అయితేనే గిట్టుబాటు అవుతుందని నిర్వాహ
కులు చెబుతున్నారు.​ 

అంత పొద్దున.. 

ఆఫీసులో డైలీ నైట్​ షిఫ్ట్​ 4 గంటలకు అయిపోతుంది. అంత పొద్దున ఇంట్లో వంట చేయరు. అందుకే బయటే తినేసి ఇంటికి వెళ్తా. మూడ్​ను బట్టి బిర్యానీ, టిఫిన్స్​ తింటా. నాన్​వెజ్ టిఫిన్స్​కు ప్రిఫరెన్స్ ఇస్తా. అరుణ్, ఐటీ ఎంప్లాయ్, యూసఫ్​గూడ

టేస్టీగా ఉంది

నైట్​ షిప్ట్​ చేసి ఇంటికి వెళ్తున్నా.  రోజూ ఉదయం నార్మల్​గా టిఫిన్ తింటా. రోజూ ఈ రోడ్​ నుంచే వెళ్తా.  కానీ నాన్​వెజ్​ టిఫిన్​సెంటర్​ను ఎప్పుడూ చూడలేదు. ఈరోజే చూశా. ఒకసారి ట్రైచేద్దామని కీమా దోశ తిన్నా. టేస్ట్ ​చాలా బాగుంది.
- నరేశ్​ కుమార్​, ప్రైవేట్​ ఎంప్లాయ్​

కస్టమర్స్​పెరిగారు 

నాలుగు నెలల నుంచి నాన్​వెజ్​ టిఫిన్ సెంటర్​ను రన్​ చేస్తున్నా. స్టార్టింగ్​లో కస్టమర్లు తక్కువగా ఉండేవారు. మిగతా ప్లేసెస్​ కంటే ఇక్కడ తక్కువ ధరకే నాన్​వెజ్​ టిఫిన్స్​ఇస్తున్నాం. మౌత్​ టాక్​తో కొద్దిరోజుల్లోనే కస్టమర్లు పెరిగారు. ప్రస్తుతం బిజినెస్​ బాగుంది.  
-

  నిర్వాహకుడు, కడప రుచులు, కూకట్​పల్లి