అపోలో లాభం 47 శాతం డౌన్‌
హైదరాబాద్, వెలుగు: అపోలో హాస్పిటల్స్ లాభం జూన్2023 క్వార్టర్లో 47 శాతం తగ్గి రూ. 167 కోట్లకు పడిపోయింది. అంతకు ముందు ఏడాది క్యూ1 లో కంపెనీ లాభం రూ. 317 కోట్లు. జూన్2023 క్వార్టర్లో అపోలో హాస్పిటల్స్ రెవెన్యూ మాత్రం రూ. 4,418 కోట్లకు పెరిగింది. జూన్ 2023 చివరి నాటికి 7,798 ఆపరేటింగ్ బెడ్స్ను అందుకున్నామని, ఇందులో 2,380 బెడ్స్ కెపాసిటీ కొత్తగా వచ్చి చేరిందని రెగ్యులేటరీ ఫైలింగ్లో అపోలో హాస్పిటల్స్ వెల్లడించింది. ఈ కొత్త హాస్పిటల్స్ (14) లో 60 శాతం కెపాసిటీ వినియోగంలోకి వచ్చిందని, రాబోయే రోజులలో ఇవి రెండంకెల గ్రోత్సాధించే అవకాశం ఉందని పేర్కొంది.
ఈ టీపాట్ ధర రూ.24 కోట్లు!
ఇక్కడ కనిపిస్తున్న టీపాట్ సాదాసీదాది కాదు. ధర ఏకంగా మూడు మిలియన్ డాలర్లు. మన కరెన్సీలో అయితే రూ.24.84 కోట్లు! వజ్రాలతో, విలువైన రాళ్లతో దీనిని తయారు చేశారు. ఇది 2016లోనే గిన్నిస్ బుక్లోకి ఎక్కింది. ఈ టీపాట్పేరు ‘ది ఎగోయిస్ట్’. దీనిని బ్రిటిష్ ఇండియన్ బిలియనీర్ నిర్మల్ సేథియా స్వయంగా డిజైన్చేశారు. ప్రపంచంలోని అత్యుత్తమ టీలకు నివాళిగా ఆయన ఈ టీపాట్‌‌‌‌ను సృష్టించారు. ఎగోయిస్ట్ను ఇటాలియన్ జ్యూయలర్ ఫుల్వియో స్కావియా తయారు చేశారు.
జీవీకే పవర్కి లాభం
హైదరాబాద్, వెలుగు: జీవీకే పవర్ అండ్ ఇన్ఫ్రాస్ట్రక్చర్ క్యూ1 లో ఖర్చులు తక్కువగా ఉండటంతో రూ. 275 కోట్ల నికర లాభం సంపాదించింది. అంతకు ముందు ఏడాది జూన్ క్వార్టర్లో కంపెనీకి రూ. 400 కోట్ల నష్టం వచ్చింది. ఖర్చులు అంతకు ముందు ఏడాది క్యూ 1 లోని రూ. 809 కోట్ల నుంచి తాజా క్వార్టర్లో రూ. 240 కోట్లకు తగ్గినట్లు జీవీకే పవర్ తెలిపింది. మొత్తం ఆదాయం మాత్రం రూ. 515 కోట్లకు తగ్గినట్లు పేర్కొంది.
