అనీష్, అనస్వర రాజన్ జంటగా దర్శకుడు వెంకీ కుడుముల నిర్మిస్తున్న చిత్రం ‘ఇట్లు అర్జున’. నాగార్జున సమర్పణలో మహేష్ ఉప్పల దర్శకుడిగా పరిచయం అవుతున్నాడు. నవంబర్ 13న సినిమా విడుదల కానుంది. తాజాగా ఈ మూవీ ట్రైలర్ అప్‌‌‌‌డేట్ అందించారు మేకర్స్. నవంబర్ 4న ట్రైలర్‌‌‌‌ను విడుదల చేయనున్నట్టు ప్రకటించారు. ఈ సందర్భంగా విడుదల చేసిన పోస్టర్ ఆకట్టుకుంటోంది.
ఇందులో అర్జున్ అనే మూగ యువకుడిగా అనీష్ కనిపించనున్నాడు. అర్జున్ తన జీవితమంతా కీర్తిని (అనస్వర) మౌనంగా ప్రేమిస్తుంటాడు. అతని ప్రయాణం అనూహ్యమైన మలుపులు తిరుగుతుంది. ప్రేమ, హాస్యం, సాహసం, ఊహించని ట్విస్టులతో సాగే ఈ కథ ప్రేక్షకులకు సరికొత్త అనుభూతిని ఇస్తుందని మేకర్స్ తెలియజేశారు. తమన్ సంగీతం అందిస్తున్నాడు.
