తమిళనాడు సీఎం, దళపతి విజయ్ నటించిన నటించిన మోస్ట్ అవైటెడ్ మూవీ ‘జననాయగన్’ (తెలుగులో‘జన నాయకుడు’). ఇవాళ గురువారం (జూలై 23, 2026న) ప్రపంచవ్యాప్తంగా సుమారు 8,000 స్క్రీన్లలో గ్రాండ్గా విడుదలైంది. ఖాకీ’ ఫేమ్ H. వినోద్ దర్శకత్వంలో తెరకెక్కిన ఈ చిత్రాన్ని KVN ప్రొడక్షన్స్ భారీ బడ్జెట్తో నిర్మించింది. విజయ్ రాజకీయాల్లోకి అడుగుపెట్టిన తర్వాత నటించిన చివరి చిత్రం కావడంతో ఈ సినిమాపై భారీ అంచనాలు నెలకొన్నాయి. దాదాపు ఏడు నెలల సెన్సార్ ప్రక్రియ తర్వాత ప్రేక్షకుల ముందుకు వచ్చిన ఈ సినిమా కోసం ఫ్యాన్స్ పిచ్చ క్యూరియాసిటీతో ఉన్నారు. ఇవాళ్టితో ఫ్యాన్స్ ఎదురుచూపులకు ఎండ్ కార్డ్ పడింది.
ఇప్పటికే ఓవర్సీస్తో పాటు పలు సిటీల్లో ఫస్ట్ షో చుసిన ఆడియన్స్ సినిమా రివ్యూలు షేర్ చేస్తున్నారు. X (గతంలో) వేదికగా తమ అభిప్రాయాలను పంచుకుంటూ ట్వీట్ చేస్తున్నారు. మరి ‘జననాయగన్’ టాక్ ఎలా ఉంది? విజయ్ తన అభిమానుల ఆకలి తీర్చడా? సినిమాలో ఎలాంటి సమస్యలు చర్చించాడు అనేది రివ్యూలో చూద్దాం..
స్టోరీ బ్యాక్డ్రాప్:
వెట్రి కొండన్ అనే పవర్ఫుల్ పోలీస్ ఆఫీసర్ పాత్రలో విజయ్ నటించాడు. ఆయనకు జోడీగా కాయల్ (పూజా హెగ్డే) పాత్రలో నటించగా, మమితా బైజు విజయ్ పెంచి పెద్ద చేసిన విజయలక్ష్మి (విజ్జి) పాత్రలో కనిపించింది. విజ్జిని మాఫియా డాన్గా నటించిన (బాబీ డియోల్) నుంచి రక్షించేందుకు హీరో చేసే పోరాటమే సినిమా మెయిన్ స్టోరీ.
‘జన నాయకుడు’ చిత్రాన్ని, తెలుగులో బాలకృష్ణ నటించిన ‘భగవంత్ కేసరి’ కథ నుంచి కొంత స్పూర్తి తీసుకుని, తమిళ నేటివిటీతో పాటు విజయ్ ఇమేజ్కు అనుగుణంగా పలు మార్పులు చేసి తెరకెక్కించారు.
ఫస్ట్ హాఫ్: జైలు నేపథ్యంలో కథ ప్రారంభమవుతుంది. అక్కడ విజయ్కు పరిచయమైన ఓ వ్యక్తి చివరి కోరిక మేరకు అతని కుమార్తె (మమిత బైజు) బాధ్యతను తీసుకుంటాడు. ఆమెను ఆర్మీ ఆఫీసర్గా తీర్చిదిద్దాలనే లక్ష్యంతో కథ సాగుతుంది.
సెకండ్ హాఫ్: శక్తివంతమైన రాజకీయ, మాఫియా నాయకుడు (బాబీ డియోల్) నుంచి మమిత బైజును రక్షించే క్రమంలో వచ్చే యాక్షన్, ఎమోషనల్ సన్నివేశాలతో కథ ఆసక్తికర మలుపులు తిరుగుతుంది.
ఆడియన్స్ టాక్ ఇదే
విజయ్ వన్-మ్యాన్ షో అని ఓవర్సీస్ ఆడియన్స్ నుంచి నుంచి టాక్ వస్తుంది. తనదైన మాస్ స్టైల్, పవర్ఫుల్ డైలాగ్స్, యాక్షన్ మరియు ఎమోషనల్ పెర్ఫార్మెన్స్తో విజయ్ అభిమానుల ఆకలి తీర్చినట్లుగా ట్వీట్స్ పెడుతున్నారు. జైలు ఫైట్, ఇంటర్వెల్ బ్యాంగ్, క్లైమాక్స్ యాక్షన్ ఎపిసోడ్స్ ప్రేక్షకులను అలరిస్తాయని అంటున్నారు. ముఖ్యంగా అనిరుధ్ బ్యాక్గ్రౌండ్ స్కోర్ ప్రతి మాస్ సీన్ను మరింత ఎలివేట్ చేసిందని రివ్యూ ఇస్తున్నారు. మమిత బైజు తన ఎమోషనల్ పాత్రలో మెప్పించగా, బాబీ డియోల్ విలన్గా, ప్రకాష్ రాజ్ కీలక పాత్రలో తమదైన నటనతో ఆకట్టుకున్నారని టాక్ వినిపిస్తోంది.
ఇకపోతే, విడుదలకు ముందే ఈ చిత్రం..‘భగవంత్ కేసరి’కి రీమేక్ అనే ప్రచారం జరిగిన విషయం తెలిసిందే. అయితే ఓవర్సీస్ ప్రీమియర్ల తర్వాత కూడా ఈ పోలికలపై చర్చ కొనసాగుతోంది. సోషల్ మీడియాలో కొందరు ప్రేక్షకులు ఫస్టాఫ్లో కొన్ని సీన్స్ ‘భగవంత్ కేసరి’ని గుర్తు చేస్తాయని, అయితే సెకండాఫ్ పూర్తిగా భిన్నంగా సాగుతుందని అభిప్రాయపడుతున్నారు.
కేరళ బాక్సాఫీస్ ఎక్స్ (ట్విట్టర్) హ్యాండిల్ కూడా స్పందిస్తూ, ‘‘ ‘జన నాయకుడు’ పూర్తిగా ‘భగవంత్ కేసరి’కి రీమేక్ కాదు. ఫస్ట్ హాఫ్లో కొన్ని పోలికలు ఉన్నా, సెకండ్ హాఫ్ పూర్తిగా కొత్తగా ఉంటుంది. విజయ్ అభిమానులకు మాస్ ఎలిమెంట్స్, పవర్ఫుల్ పంచ్ డైలాగులు, డ్యాన్స్లతో సినిమా మంచి విందుగా ఉంటుంది. పోలికలను పక్కనపెట్టి విజయ్ చివరి సినిమాను ఆస్వాదించండి’’ అని పేర్కొంది.
#Jananayagan is not a complete remake of Bhagavanth Kesari. While the first half closely follows the original, the second half takes a completely different direction, with only a few minor elements inspired by Bhagavanth Kesari. The film is set to be a treat for die hard Vijay… pic.twitter.com/Kk7IM0jmSS
— Kerala Box Office (@KeralaBxOffce) July 22, 2026
మొత్తంగా ఇప్పటివరకు వచ్చిన ఓవర్సీస్ టాక్ను బట్టి చూస్తే,‘జన నాయకుడు’ ప్రేక్షకులకు పూర్తి స్థాయి వినోదాన్ని అందించే మాస్ యాక్షన్ ఎంటర్టైనర్గా నిలిచే అవకాశాలు కనిపిస్తున్నాయి. అయితే సినిమా పూర్తి స్థాయి ఫలితం, బాక్సాఫీస్ వసూళ్లు ప్రేక్షకుల స్పందన ఆధారంగా రాబోయే రోజుల్లో మరింత స్పష్టత రానుంది.
