నవాబుపేట, వెలుగు: రాష్ట్రంలో బీఆర్ఎస్ రాక్షస పాలనకు కాలం చెల్లిందని, వచ్చే ఎన్నికల్లో కాంగ్రెస్ అధికారంలోకి రావడం ఖాయమని టీపీసీసీ ప్రధాన కార్యదర్శి జనంపల్లి అనిరుధ్రెడ్డి ధీమా వ్యక్తం చేశారు. మండలంలోని మైసమ్మ ఆలయం ఆదివారం ప్రజాహిత పాదయాత్రను ప్రారంభించారు. కాకర్లపహాడ్, సిద్దోటం, కారుకొండ గ్రామాల్లో ఆయన పర్యటించి ప్రజల సమస్యలు అడిగి తెలుసుకున్నారు. ఈసందర్భంగా ఏర్పాటు చేసిన కార్నర్ మీటింగ్ లో ఆయన మాట్లాడుతూ ఓట్ల కోసం అమలుకు నోచుకోని హామీలు ఇస్తూ నిరుపేద జనాలను బీఆర్ఎస్ సర్కార్ మోసం చేసిందని విమర్శించారు. మండలంలో ఎన్ని డబుల్ బెడ్రూమ్ ఇండ్లు కట్టారో ఎంతమందికి ఇచ్చారో? ఎమ్మెల్యే లక్ష్మారెడ్డి సమాధానం చెప్పాలని డిమాండ్ చేశారు.
గ్రామాల్లో ఏండ్లుగా పింఛన్లు రాక వృద్ధులు, వికలాంగులు, రుణమాఫీ కాక రైతులు, డబుల్ బెడ్రూమ్ ఇండ్లు రాక నిరుపేదలు, భృతి లేక నిరుద్యోగులు తిప్పలు పడుతున్నారని ఆవేదన వ్యక్తం చేశారు. బీఆర్ఎస్ నాయకులు రౌడీల్లా ప్రవర్తిస్తూ కాంగ్రెస్ పార్టీ కార్యకర్తలకు ప్రభుత్వ పథకాలు రాకుండా అడ్డుకుంటున్నారని ఆరోపించారు. కాంగ్రెస్ అధికారంలోకి వచ్చిన వెంటనే రూ.5 లక్షలతో ఇండ్లు కట్టిస్తామని, రూ.500 సిలిండర్ అందిస్తామని, ఏకకాలంలో రూ.2 లక్షల రుణమాఫీ చేస్తామన్నారు. దుశ్యంత్రెడ్డి, సునీతారావు, వసంత, వాసు యాదవ్, భద్రునాయక్, తుల్సీరాంనాయక్, రాములునాయక్, మల్లేశ్యాదవ్, డా.మీనాక్షి, నవాజ్రెడ్డి, పెద్ది నర్సింలు, జగన్రెడ్డి, తానెంరాజు, నారాయణ్రెడ్డి, ఆంజనేయులు, కుమార్ పాల్గొన్నారు.
