రాంచి: జార్ఖండ్లో జరిగిన స్పెషల్ ఇంటెన్సివ్ రివిజన్(సర్) ప్రక్రియ తప్పులతడకగా ఉంది. జంషెడ్పూర్ తూర్పు అసెంబ్లీ నియోజవర్గం 286 ఓటరు లిస్టులో అసిల్ ఖాన్, మహమ్మద్ అస్లాం, మహమ్మద్ ఇబ్రహీం అనే అఫ్గాన్ల పేర్లు ఉన్నట్లు అధికారులు గుర్తించారు. దీంతో ఎన్నికల సంఘం వెంటనే ఈ పేర్లను తొలగించింది.
విదేశీయుల పేర్లు ఓటరు జాబితాలో ఎలా యాడ్ అయ్యాయి, ఎవరి ప్రమేయం ఉంది.. అనే కోణంలో దర్యాప్తు చేసి కఠిన చర్యలు తీసుకుంటామని జార్ఖండ్ సీఈవో కె.రవికుమార్ తెలిపారు. సర్ నిర్లక్ష్యంపై బీజేపీ రాష్ట్ర స్పోక్పర్సన్ సందీప్వర్మ సీరియస్ అయ్యారు. బాధ్యులపై కఠిన చర్యలు తీసుకోవాలని డిమాండ్ చేశారు.
