హైదరాబాద్, వెలుగు: హైదరాబాద్ రీజినల్ పాస్ పోర్ట్ ఆఫీసర్(ఆర్పీవో)గా జొన్నలగడ్డ స్నేహజ శుక్రవారం బాధ్యతలు స్వీకరించారు. సిటీకి చెందిన స్నేహజ 2016 ఇండియన్ ఫారిన్ సర్వీసెస్(ఐఎఫ్ఎస్) బ్యాచ్అధికారి.
గతంలో బీజింగ్ లోని ఇండియన్ ఎంబసీలోని సెకండ్ సెక్రటరీ, ఢిల్లీలోని మయన్మార్, బంగ్లాదేశ్ డివిజన్లకు అండర్ సెక్రటరీగా ఆమె పనిచేశారు. విదేశీ వ్యవహారాల మంత్రిత్వ శాఖ విజిలెన్స్ విభాగంలోనూ ఆమె విధులు నిర్వర్తించారు.
