సలార్(Salaar) మ్యానియా ముగిసింది. ఇపుడు ప్రభాస్(Prabhas) ఫ్యాన్స్ ఈగర్ గా వెయిట్ చేస్తున్న మూవీ కల్కి 2898 AD(kalki 2898 AD). మహానటి దర్శకుడు నాగ్ అశ్విన్(Nag Ashwin) తెరకెక్కిస్తున్న ఈ సైన్స్ ఫిక్షన్ అండ్ యాక్షన్ మూవీపై ప్రపంచవ్యాప్తంగా భారీ అంచనాలు నెలకొన్నాయి. హాలీవుడ్ రేంజ్ లో తెరెకెక్కుతున్న ఈ సినిమా కోసం ఆడియన్స్ కూడా ఈగర్ గా వెయిట్ చేస్తున్నారు. దీంతో ఈ సినిమా గురించి వినిపిస్తున్న చిన్న న్యూస్ ఐనా క్షణాల్లో వైరల్ అవుతోంది.
తాజాగా కల్కి సినిమా గురించి మరో న్యూస్ సోషల్ మీడియాలో వైరల్ గా మారింది. అదేంటంటే.. ఈ సినిమా కోసం మెగాస్టార్ సెంటిమెంట్ ను ఫాలో అవుతున్నారట మేకర్స్. వైజయంతి మూవీస్ బ్యానర్ పై చిరంజీవి హీరోగా వచ్చిన జగదేక వీరుడు అతిలోక సుందరి మూవీ ఎంత పెద్ద బ్లాక్ బస్టర్ అయ్యిందో ప్రత్యేకంగా చెప్పాల్సిన పనిలేదు. 1990లో వచ్చిన ఈ సినిమా మే 9న ప్రేక్షకుల ముందుకు వచ్చింది. ఇప్పుడు అదే బ్యానర్ నుండి వస్తున్న మోస్ట్ ప్రెస్టీజియస్ మూవీ కల్కి 2898 AD. అందుకే ఆ బ్యానర్ కు ప్రత్యేకమైన రోజునే 2024 మే9న ప్రభాస్ కల్కి ని కూడా రిలీజ్ చేయాలని ప్లాన్ చేస్తున్నారట. ఇదే విషయం త్వరలోనే ప్రకటన రానుందని సమాచారం.
ఇక కల్కి సినిమా విషయానికి వస్తే.. ఇండియాస్ మోస్ట్ యాంటిసిపేటెడ్ మూవీగా వస్తున్న ఈ సినిమాలో లోకనాయకుడు కమల్ హాసన్ విలన్ పాత్రలో కనిపిస్తున్నారు. బాలీవుడ్ స్టార్ అమితాబ్ కీ రోల్ చేస్తున్న ఈ సినిమాలో ప్రభాస్ జోడీగా దీపికా పదుకునే నటిస్తున్నారు.
సంతోష్ నారాయణన్ సంగీతం అందిస్తున్నారు. మరి మెగాస్టార్ సెంటిమెంట్ తో వస్తున్న ఈ సినిమా ఆ సినిమాలాగే భారీ విజయాన్ని అందుకుంటుందా అనేది చూడాలి.
