బాలీవుడ్ నటి, లోక్ సభ ఎంపీ కంగనా రనౌత్ కు సుప్రీంకోర్టు ఎదురుదెబ్బ తగిలింది. 2021 రైతు ఉద్యమం సందర్భంగా వృద్ధురాలు మహిందర్ కౌర్ పై చేసిన వ్యాఖ్యల కేసును రద్దు చేయాలని ఆమె వేసిన పిటిషను ను ఉపసంహరించుకున్నారు. ఈ కేసు విచారణ సందర్భంగా న్యాయమూర్తులు "మీరు కేవలం రీట్వీట్ మాత్రమే చేయలేదు, దానికి మసాలా కూడా జోడించారు" అని వ్యాఖ్యానించారు.
తొలుత జస్టిస్ విక్రమ్ నాథ్, జస్టిస్ సందీప్ మెహతాతో కూడిన సుప్రీంకోర్టు ధర్మాసనం కంగనా రనౌత్ ఈ పిటిషన్‌ను స్వీకరించడానికి విముఖత చూపింది. విచారణ కోర్టులో ప్రత్యామ్నాయ పరిష్కారాలను వెతుక్కోవాలని సూచించడంతో, కంగనా రనౌత్ తరపు న్యాయవాది పిటిషన్‌ను ఉపసంహరించుకున్నారు. ఈ కేసు మొదట పంజాబ్, హర్యానా హైకోర్టులో విచారణకు వచ్చింది. కంగనా చేసిన పోస్ట్ సద్భావనతో కూడినది కాదని, అందులో పరువు నష్టం కలిగించే అంశాలు ఉన్నాయని పేర్కొంటూ హైకోర్టు ఆమె పిటిషన్‌ను కొట్టివేసింది. దీంతో కంగనా సుప్రీంకోర్టును ఆశ్రయించారు.
►ALSO READ | రన్నింగ్ ట్రైన్ నుంచి దూకేసిన బాలీవుడ్ నటి.. గాయాలతో ఆసుపత్రిలో చికిత్స.. అసలేం జరిగిందంటే?
కంగనా అప్పట్లో మహిందర్ కౌర్ ను షాహీన్ బాగ్ నిరసనల్లో పాల్గొన్న బిల్కిస్ బానో అని అభివర్ణిస్తూ.. "రూ.100కి నిరసనలకు వచ్చేదాదీ అని వ్యాఖ్యానించారు. ఈ కామెంట్ తన గౌరవాన్ని దెబ్బతీసిందని, తాను రైతు ఉద్య
మంలో ప్రారంభం నుంచీ పాల్గొంటున్నానని మహిందర్ కౌర్ పరువు నష్టం దావా వేశారు. ఈ క్రమంలో మహీందర్ కౌర్ ఫిర్యాదు మేరకు కంగనాపై కేసు నమోదైంది. హైకోర్టు కూడా ఇదే కేసులో కంగనా వాదనలను తిరస్కరించిన సంగతి తెలిసిందే.
