నారాయణ్ ఖేడ్, వెలుగు: కాంగ్రెస్ ఆరు గ్యారంటీలు ఫెయిల్ అని కర్ణాటక రైతులు అన్నారు. శనివారం పట్టణంలో ర్యాలీ నిర్వహించి మీడియా సమావేశంలో మాట్లాడారు. కర్ణాటకలో కాంగ్రెస్ ప్రభుత్వం ఇచ్చిన గ్యారంటీలు ఏ ఒక్కటీ అమలు చేయలేదని, తెలంగాణలోనూ అమలు కావన్నారు. బీఆర్ఎస్ ప్రభుత్వంతోనే రైతులకు మేలు జరుగుతుందన్నారు. ఇదిలా ఉండగా కర్ణాటక రైతులు చేస్తున్న ర్యాలీని నారాయణఖేడ్ కాంగ్రెస్ లీడర్లు అడ్డుకోవడంతో ఉద్రిక్తత పరిస్థితులు నెలకొన్నాయి.
కాంగ్రెస్ ఎస్టీ సెల్ స్టేట్ వైస్ చైర్మన్ భీమ్రావు నాయక్ మాట్లాడుతూ.. బీఆర్ఎస్ నాయకులు చేపిస్తున్న ర్యాలీలు, దొంగ డ్రామాలు ప్రజలు నమ్మే పరిస్థితిలో లేరన్నారు. తెలంగాణలో అధికారంలోకి వచ్చేది కాంగ్రెస్ ప్రభుత్వమేనన్నారు. ఈ నెల 30న జరిగే సీఎం కేసీఆర్ సభను అడ్డుకుంటామని హెచ్చరించారు.
