- మృతుల కుటుంబాలకు రూ.4 లక్షల పరిహారం : సత్యవతి రాథోడ్
ములుగు, వెలుగు: భారీ వర్షాల కారణంగా ములుగు జిల్లాలో దెబ్బతిన్న రోడ్లు, పంటలు, ఇతర ప్రజా అవసరాల పునరుద్ధరణకు ముఖ్యమంత్రి కేసీఆర్కోటి రూపాయలు మంజూరు చేశారని మంత్రి సత్యవతి రాథోడ్ తెలిపారు. అలాగే, వరదల్లో చిక్కుకొని మృతి చెందిన కుటుంబాలకు రూ.4 లక్షల చొప్పున పరిహారం అందజేస్తామని చెప్పారు. సర్వం కోల్పోయిన వారికి తక్షణ సాయంగా రూ.25 వేలు అందిస్తున్నామన్నారు. ఆ జిల్లాలో గోదావరి వరద ప్రభావిత ప్రాంతాలను శుక్రవారం ఆమె పరిశీలించారు.
అనంతరం ములుగు ఆర్అండ్బీ గెస్ట్హౌజ్లో ఎంపీ మాలోతు కవితతో కలిసి ఆమె మీడియాతో మాట్లాడారు. జిల్లాలో 70 సెంటీ మీటర్లకు పైగా వర్షం కురిసిందని తెలిపారు. జిల్లాలో ఇప్పటివరకు వరదల్లో కొట్టుకుపోయి 8 మంది చనిపోయారని, పలువురు గల్లంతయ్యారని చెప్పారు. భూపాలపల్లి జిల్లా మోరంచపల్లిలో నీటి ఉధృతికి ముగ్గురు కొట్టుకుపోయారని తెలిపారు. రెండు జిల్లాల్లో వరద బాధితులను పునరావాస కేంద్రాలకు తరలించి సహాయక చర్యలు చేపడతామన్నారు.
