హెర్బల్ టీ కావాల్సినవి:
- నీళ్లు - నాలుగు కప్పులు
- అల్లం - ఒక ముక్క
- ఎండుద్రాక్షలు - పది
- బిర్యానీ ఆకు, దాల్చినచెక్క - ఒక్కోటి
- లవంగాలు - ఐదు
- మిరియాలు - ఎనిమిది
- యాలకులు - నాలుగు
- పసుపు - అర టీస్పూన్
- తులసి ఆకులు - మూడు
- బెల్లం - ఒక టేబుల్ స్పూన్
- నిమ్మరసం - పావు టీస్పూన్
తయారీ: గిన్నెలో నీళ్లు పోసి కాగబెట్టాలి. అందులో దంచిన మిరియాలు, అల్లం, ఎండుద్రాక్షలు, దాల్చిన చెక్క, బిర్యానీ ఆకు, లవంగాలు, యాలకులు వేసి మరిగించాలి. ఆపై పసుపు, తులసి ఆకులు, బెల్లం కూడా వేసి కలపాలి. చివరిగా ఆ టీని వడకట్టి కప్లో పోసి నిమ్మరసం వేసుకుని తాగితే టేస్ట్ అదిరిపోతుంది.
తులసి– రోజ్కావాల్సినవి:
- తులసి ఆకులు - ఇరవై
- గులాబీ రేకులు - కొన్ని
- అల్లం - చిన్న ముక్క
- యాలకులు - రెండు
- టీ పొడి - రెండు టీస్పూన్లు
- చక్కెర - సరిపడా
- పాలు - రెండు కప్పులు
- నీళ్లు - ఒక కప్పు
తయారీ: ఒక గిన్నెలో నీళ్లు పోసి అందులో టీ పొడి, తులసి ఆకులు, దంచిన అల్లం, యాలకులు, గులాబీ రేకులు వేసి మరగనివ్వాలి. తర్వాత అందులో పాలు పోసి మరికాసేపు మరిగించాలి. ఆపై చక్కెర కూడా వేసి కలపాలి. చివరిగా ఛాయ్ వడకట్టాలి.
పుదీనా టీకి కావాల్సినవి:
- వాము - ఒక టీ స్పూన్
- నీళ్లు - ఒక గ్లాసు
- పుదీనా - ఒక కప్పు
- బెల్లం -సరిపడా
తయారీ: ఒక గిన్నెలో వాము వేసి వేగించాలి. తర్వాత అందులోనే నీళ్లు పోసి, పుదీనా వేసి మూతపెట్టి మరిగించాలి. ఆ తర్వాత మూత తీసి, బెల్లం వేసి మరికాసేపు మరిగించాలి. ఆపై వడకట్టి కప్పులో పోసుకుని తాగడమే.
