కొడంగల్, వెలుగు: వికారాబాద్ జిల్లా కొడంగల్ మున్సిపాలిటీలో కోఆప్షన్ సభ్యుల ఎన్నిక మంగళవారం ముగిసింది. మున్సిపల్ చైర్మన్ నందారం ప్రశాంత్ అధ్యక్షతన జరిగిన కౌన్సిల్ సమావేశంలో రమేశ్బాబు, సాంత్రమ్మ (జనరల్ కేటగిరీ), మునీర్, షారీఫా బేగం (మైనారిటీ కేటగిరీ)ను సభ్యులుగా ఏకగ్రీవంగా ఎన్నుకున్నారు.
మొత్తం నాలుగు కోఆప్షన్ పదవుల కోసం 12 దరఖాస్తులు వచ్చినప్పటికీ కౌన్సిల్ సభ్యులందరి సమన్వయంతో ఎన్నిక ఏకగ్రీవమైంది. ఈ సమావేశంలో మున్సిపల్ కమిషనర్ బలరాం నాయక్, వైస్ చైర్మన్ శంకర్ నాయక్, ఇతర కౌన్సిలర్లు పాల్గొన్నారు.
