- మూడేండ్ల బాలుడితో పాటు గర్భవతికి గాయాలు
రాజన్నసిరిసిల్ల, వెలుగు: మూడు ఫీట్ల తొవ్వ కోసం జరిగిన గొడవలో ముగ్గురికి తీవ్రగాయాలయ్యాయి. ఈ ఘటనలో మూడేండ్ల బాలుడు, గర్భవతి కత్తిపోట్లకు గురయ్యారు. వివరాల్లోకి వెళ్తే.. సిరిసిల్ల పట్టణంలోని శాంతినగర్ కు చెందిన కలికోట వెంకటేశ్కు, అతడి అన్న కొడుకు పృథ్వీకి తొవ్వ విషయంలో గొడవలు జరుగుతున్నాయి. వెంకటేశ్ పోలీసులకు ఇటీవల ఫిర్యాదు చేశాడు.
దీంతో ఆగ్రహించిన పృథ్వీ మంగళవారం సాయంత్రం ముగ్గురు స్నేహితులతో కలిసి వెంకటేశ్ ఇంటికి వచ్చి అతడితో పాటు కొడుకు త్రినేత్ర(3), భార్య ఏంజెల్ పై కత్తితో దాడి చేశాడు. తీవ్రగాయాలైన త్రినేత్రను సిరిసిల్ల ఏరియా ఆసుపత్రికి, అక్కడి నుంచి హైదరాబాద్ కు తరలించారు. ఈ మేరకు కేసు నమోదు చేసి దర్యాప్తు చేస్తున్నట్లు సిరిసిల్ల టౌన్ సీఐ కృష్ణ తెలిపారు. దాడి చేసిన పృథ్వీ పరారీలో ఉన్నట్లు చెప్పారు.
