చెన్నూరు, వెలుగు: పెద్దపల్లి ఎంపీ అభ్యర్థిగా పోటీ చేస్తున్న గడ్డం వంశీకృష్ణ భారీ మెజార్టీతో గెలవాలని కాంగ్రెస్ నేత సింగిరెడ్డి మహేందర్ రెడ్డి ఆధ్వర్యంలో చెన్నూరు పట్టణంలోని బడా హనుమాన్ ఆలయంలో లీడర్లు, కార్యకర్తలు పూజలు చేసి 101 కొబ్బరికాయలు కొట్టారు. అనంతరం నాయకులు మాట్లాడుతూ.. వంశీకృష్ణను ఎంపీగా గెలిపించుకుంటే పెద్దపెల్లి పార్లమెంట్ ప్రాంతం ఇండస్ట్రియల్ కారిడార్గా అభివృద్ధి చెందుతుందన్నారు.
యువతకు ఉపాధి, ఉద్యోగ అవకాశాలు లభిస్తాయని అన్నారు. ఈ కార్యక్రమంలో నేతలు జడల సతీశ్, సుశీల్ కుమార్, చల్లా రాంరెడ్డి, చీర్ల సుధాకర్ రెడ్డి, గొడిషెల బాపిరెడ్డి, బొమ్మ రమేశ్, చింతల శ్రీనివాస్, రత్నా భాస్కర్ రెడ్డి తదితరులు పాల్గొన్నారు.
