ఇండియన్ స్టార్ క్రికెటర్ మహేంద్ర సింగ్ ధోని(Mahendrasingh Dhoni) నిర్మాతగా మారి తెరకెక్కించిన ఫస్ట్ మూవీ LGM (Let’s Get Married). ఇవానా(Ivana), హరీష్ శంకర్(Harish shankar) జంటగా వచ్చిన ఈ సినిమాలో సీనియర్ నటి నదియా(Nadiya) కీలక పాత్ర పోషించారు. జులై 28న భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు ఆడియన్స్ నుండి మినిమమ్ రెస్పాన్స్ కూడా రాలేదు.
ముందుగా ఈ సినిమాను తెలుగు, తమిళ భాషల్లో ఒకేసారి విడుదల చేయాలని ప్లాన్ చేశారు మేకర్స్. కానీ కొన్ని అనుకోని కారణాల వల్ల కేవలం తమిళనాడులోనే విడుదల చేశారు. దాదాపు 400 స్క్రీన్స్‌లో రిలీజైన ఈ మూవీ మినిమమ్ వసూళ్లను కూడా రాబట్టలేకపోయింది. అడ్వాన్స్ బుకింగ్, ఓవర్సీస్ కలెక్షన్స్ కలిపి మొదటిరోజు కేవలం రూ. 1.25 కోట్లు మాత్రమే వచ్చాయని సమాచారం. దాదాపు రూ.10 కోట్ల ప్రీ రిలీజ్ బిజనెస్ తో వచ్చిన ఈ సినిమా.. ఇంకా రూ. 9 కోట్లు కలెక్ట్ చేస్తే తప్ప బ్రేక్ ఈవెన్ అవడం సాధ్యం కాదు.
మరి ధోని నిర్మించిన సినిమాకు ఈ కలెక్షన్సా అంటూ కామెంట్స్ చేస్తున్నారు నెటిజన్స్. నిజానికి ఈ సినిమాను ధోని పేరు మీదే ఎక్కుడ ప్రచారం చేశారు. ఈ సినిమా ఈవెంట్స్ కు వచ్చి మరీ ప్రమోట్ చేశారీ ధోని. కానీ అవేవి ప్రేక్షకులను థియేటర్స్ కు రప్పించడానికి ఉపదయోగపడలేదనే చెప్పాలి. మరి లాంగ్ రన్ లో ఈ సినిమా మినిమమ్ కలెక్షన్స్ అయినా రాబడుతుందా? లేదా డిజాస్టర్ గా నిలుస్తుందా అనేది చెప్పాలంటే ఫస్ట్ వీకెండ్ కంప్లీట్ అవ్వాల్సిందే.
