న్యూఢిల్లీ: ఎల్ఐసీ ధన వర్ష పేరుతో కొత్త జీవిత బీమా పథకాన్ని ప్రారంభించింది. ఈ పథకం క్లోజ్-ఎండ్, నాన్ -లింక్డ్, నాన్ -పార్టిసిపేటింగ్ స్కీమ్. అంతేగాక వ్యక్తిగత, పొదుపు, సింగిల్ ప్రీమియం జీవిత బీమా ప్లాన్. రక్షణతోపాటు పొదుపునూ అందిస్తుంది. జీవిత బీమా పాలసీ సమయంలో పాలసీహోల్డర్ మరణించినట్లయితే, ఈ ప్లాన్ కింద కుటుంబానికి ఇన్సూరెన్స్ డబ్బు చెల్లిస్తారు. మెచ్యూరిటీ తేదీ వచ్చాక, మిగిలిన ‘అష్యూర్డ్ లైఫ్’ కాలానికి కొంత డబ్బు ఇస్తారు మొత్తం నాన్–-మెడికల్ లిమిటెడ్, వయస్సు ఎంచుకున్న హామీ మొత్తాన్ని బట్టి నాన్–-మెడికల్, మెడికల్ స్కీమ్లకు ప్లాన్ అందుబాటులో ఉంటుంది. బేస్ ప్లాన్ కింద ప్రయోజనాలను పరిశీలిస్తే.. మెచ్యూరిటీ అడ్వాంటేజ్ కింద.. పాలసీ హోల్డర్ జీవిత బీమా మెచ్యూరిటీ తేదీ దాకా జీవించి ఉంటే, "ప్రాథమిక హామీ మొత్తం" ఇస్తారు. అక్రూడ్ గ్యారంటీ యాడిషన్స్ కూడా వర్తిస్తాయి. హామీతో కూడిన యాడిషన్స్ ప్రకారం... పాలసీ సమయం ఉన్నంతవరకు ప్రతి పాలసీ సంవత్సరం ముగిసే సమయానికి గ్యారెంటీడ్ యాడిషన్స్ జమ అవుతాయి. బేసిక్ సమ్ అష్యూర్డ్, పాలసీ టర్మ్ ఎంచుకున్న ఆప్షన్లను బట్టి గ్యారెంటీడ్ యాడిషన్స్ ఉంటాయి.
పాలసీ హోల్డర్మరణించినప్పుడు, సంబంధిత పాలసీ సంవత్సరానికి హామీ ఇచ్చిన యాడిషన్స్ను చెల్లిస్తారు. పాలసీని సరెండర్ చేసినప్పుడు అక్రూడ్ గ్యారెంటీ యాడిషన్స్ కూడా వర్తిస్తాయి. "సమ్ అష్యూర్డ్ ఆన్ డెత్" మొత్తం కూడా ఇస్తారు. ప్రమాదం వల్ల శాశ్వత వైకల్యం వస్తే యాక్సిడెంట్ బెనిఫిట్ మొత్తాన్ని పదేళ్లపాటు చెల్లిస్తారు. ఈ పాలసీ తీసుకునేందుకు కనీస వయసు 18 ఏళ్లు. కనీసం రూ.1,25,000 కి పాలసీ తీసుకోవాల్సి ఉంటుంది. గరిష్ట పరిమితి అంటూ ఏమీ లేదు. ఇది సింగిల్ ప్రీమియం పాలసీ. ఒకేసారి డబ్బులు కట్టాల్సి ఉంటుంది. ధనవర్ష పాలసీపై లోన్ కూడా తీసుకోవచ్చు.