ముంబై : ఇటీవలే స్టాక్ మార్కెట్లో లిస్టయిన్ లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసీ) తాజాగా ఫార్చూన్ గ్లోబల్ 500 లిస్టులో ప్లేస్ పొందింది. మరోవైపు రిలయన్స్ ఇండస్ట్రీస్ 51 ప్లేస్లు ముందుకు జంప్ చేసి 104 కి చేరింది. 97.26 బిలియన్ డాలర్ల రెవెన్యూ ఉన్న ఎల్ఐసీ ఈ లిస్టులో 98 వ ప్లేస్లో నిలిచింది. లిస్టెడ్ కంపెనీలకు మాత్రమే ఈ ర్యాంకింగ్స్ ఇస్తారు. రిలయన్స్ ఇండస్ట్రీస్ ఈ జాబితాలో గత 19 ఏళ్లుగా కొనసాగుతుండగా, ఎల్ఐసీ ఈ ఏడాదే చేరింది.
ఫార్చూన్ గ్లోబల్ 500 జాబితాలో వాల్మార్ట్ మొదటి ప్లేస్లో నిలవగా, మొత్తం తొమ్మిది ఇండియన్ కంపెనీలకు ప్లేస్ దక్కింది. ఈ తొమ్మిదింటిలో అయిదు ప్రభుత్వ రంగ సంస్థలు కాగా, మిగిలిన నాలుగు ప్రైవేటు రంగ సంస్థలు. ఇటీవలే లిస్టింగ్ పొందిన ఎల్ఐసీ మాత్రమే మన దేశపు కంపెనీలలో రిలయన్స్ కంటే ముందు ప్లేస్లో నిలిచింది. ఐఓసీ, ఓఎన్జీసీ, టాటా మోటార్స్, టాటా స్టీల్, రాజేష్ ఎక్స్పోర్ట్స్, ఎస్బీఐ, బీపీసీఎల్‌ కూడా ఈ లిస్టులో ప్లేస్ దక్కించుకున్నాయి.
