ఇటీవలి కాలంలో చాలా మంది మ్యూచువల్ ఫండ్ పెట్టుబడులకు ఆకర్షితం అవుతున్నారు. దీర్ఘకాలిక గోల్స్ అచీవ్ చేయటానికి ఇదొక సరైన మార్గంగా చాలా మంది భావిస్తున్నారు. స్టాక్ మార్కెట్లు ఒకపక్కడ దూసుకుపోతున్న వేళ చాలా మంది కొత్త ఇన్వెస్టర్లు కూడా ఈ మార్గంలోనే తమ సేవింగ్స్ పెట్టాలని భావిస్తున్నారు. అయితే చాలా మందిలో సహజంగా ఉండే డౌట్ ఒకేసారి లంప్ సమ్ అమౌంట్ ఇన్వెస్ట్ చేయటం మంచిదా లేక నెలనెలా సిప్ రూపంలో పెట్టుబడులు ఎక్కువ రాబడిని ఇస్తాయా అన్నదే. ఈ రెండు మార్గాల మధ్య ఉన్న తేడాల గురించి ఇప్పుడు తెలుసుకుందాం..
ఒక వ్యక్తి ప్రతి నెల క్రమం తప్పకుండా రూ.10వేలు పెట్టుబడిగా పెడితే 10 శాతం రాబడి చొప్పున 10 ఏళ్ల కాలంలో ఆ మెుత్తం రూ.21లక్షల 20వేలకు చేరుకుంటుంది. ఇదే సదరు వ్యక్తి రూ.లక్ష 20వేలను ఒకేసారి ఇన్వెస్ట్ చేస్తే అదే రేటు కాలం పరిగణలోకి తీసుకుంటే రూ.23 లక్షలు రాబడిని అందించింది. ఒక వేళ వ్యక్తి 15 ఏళ్ల కాలానికి సగటు రాబడి 15 శాతంగా తీసుకున్నట్లయితే నెలనెలా ఎస్ఐపీ చేసిన వ్యక్తికి రూ.68లక్షల 60వేలు రాబడిగా వస్తే.. ఒకేసారి ఇన్వెస్ట్ చేసినోళ్లకు రూ.74లక్షల 50వేలు అందుతుంది. అంటే ఈ లెక్కన ఎస్ఐపీ ఇన్వెస్టర్ల కంటే లంప్ సమ్ పెట్టుబడిదారులకు కొద్దిగా ఎక్కువ రాబడులు ఉన్నాయని గణాంకాలు చెబుతున్నాయి.
Also Read : శనివారం భారీగా పెరిగిన బంగారం.. అనూహ్యంగా వెండి కేజీ రూ.9వేలు అప్
అయితే దీనికి కారణం ఒకేసారి పెట్టుబడి పెట్టేవారికి గణాంకాల్లో ఉన్న బెనిఫిట్ వారి డబ్బుకు పూర్తి ఏడాది కాలానికి రాబడిని అందిస్తుందని దీంతో దీర్ఘకాలానికి కాంపౌండింగ్ బెనిఫిట్ ఇన్వెస్ట్ చేసిన డబ్బుకు అందుతుందని వైజ్ ఫిన్ సర్వ్ సీఓఓ చారు పహుజా వెల్లడించారు.
ఒకేసారి ఇన్వెస్ట్ చేస్తే నష్టాలు ఇవే.. వాస్తవానికి స్టాక్ మార్కెట్లు అనేవి ఓలటాలిటీ కలిగి ఉంటాయి. ఒకరోజు పెరుగుతూ మరో సమయంలో పడిపోతూ సాగుతుంటాయి. ఇలాంటి సమయంలో ఒకేసారి మ్యూచువల్ ఫండ్ ఇన్వెస్ట్మెంట్ కంటే కూడా సిప్ చేయటం మంచిదని నిపుణులు చెబుతున్నారు. అనుకోకుండా మార్కెట్లు మీరు ఒకేసారి ఇన్వెస్ట్ చేయగానే ఆ నెలలో కరెక్షన్ కి గురైతే పెట్టుబడి అసలులో భారీ కోత పడుతుందని స్కిప్ బాక్స్ ఫౌండర్ అతుల్ సింఘాల్ చెప్పారు. ఇలాంటి సమయంలో సిప్ చేసేవారు తగ్గిన రేట్లకు ఎక్కువ యూనిట్లు పొంది దీర్ఘకాలంలో మంచి రాబడిని అందుకోవటానికి అదనపు అవకాశం కలిగి ఉంటారని వెల్లడించారు. మార్కెట్లు స్థిరంగా కొనసాగవు కాబట్టి లంప్ సమ్ పెట్టుబడి కంటే సిప్ బెటర్ అని అంటున్నారు. అయితే మంచి రాబడుల కోసం సమయానుకూలంగా రీబ్యాలెన్సింగ్ తప్పదని చెబుతున్నారు.
సింపుల్ గా చెప్పుకోవాలంటే మార్కెట్లు స్థిరంగా లేదా బుల్ మార్కెట్లో ఉన్నప్పుడు ఒకేసారి పెట్టుబడి బెటర్. ఓలటాలిటీ ఉన్నప్పుడు, బేర్స్ పంజాలో ఉన్నప్పుడు సిప్ తెలివైన ఎంపికగా చెప్పుకోవచ్చు. ఇది పూర్తిగా మార్కెట్ సైకిల్ ఆధారంగా తీసుకోవాల్సిన నిర్ణయంగా నిపుణులు అంటున్నారు.
