- చీట్ చేసి దొరికిపోయిండు
లగ్జరీ కార్లంటే అతనికి చాలా ఇష్టం. కాస్ట్లీ టూర్లు వేయాలని కోరిక. కానీ చేతిలో డబ్బులు లేవు. పైగా కొవిడ్. చేసుకోవడానికి పని లేదు. కానీ విపరీతమైన కోరికలు ఏం చేయాలా? అని ఆలోచించాడు. కొవిడ్ పరిస్థితులను అవకాశంగా తీసుకొన్నాడు. అతి తెలివి ప్రదర్శించాడు. అడ్డంగా దొరికిపోయాడు.
కొవిడ్ కారణంగా చిన్న వ్యాపారాలు, హెల్త్ కోసం అమెరికా ప్రభుత్వం కొవిడ్ రిలీఫ్ ఫండ్ను ఏర్పాటు చేసింది. కాలిఫోర్నియాకు చెందిన 38 ఏండ్ల ముస్తఫా ఖాద్రి దాన్నే అవకాశంగా తీసుకున్నాడు. ‘నేను కొవిడ్ బాధితుడిని. చిన్న దుకాణాలు ఉన్నాయి’ అని కొవిడ్ ఫండ్ కోసం అప్లయ్ చేశాడు. ప్రభుత్వం స్పందించి అతనికి ఫండ్ రిలీజ్ చేసింది. ఆ ఒక్కసారితో ఆగిపోకుండా... ఫేక్ డాక్యుమెంట్లతో మళ్లీ మళ్లీ అప్లయ్ చేశాడు. మరో మూడు బ్యాంక్ల్లో కూడా లోన్లు లాగాడు. అలా అమెరికా ప్రభుత్వం నుంచి కొవిడ్ పేరుతో సుమారు ఐదు మిలియన్ల డాలర్లు తీసుకున్నాడు. ఇక నా కోరికలు తీరే టైం వచ్చింది అనుకున్నాడు. ఆ డబ్బుతో ఫెరారి, బెంట్లీ, లాంబోర్గినీ లాంటి లగ్జరీ కార్లు కొనేశాడు. కాస్ట్లీ టూర్లకూ వెళ్లాడు. ఓ వారం పది రోజులు బాగా ఎంజాయ్ చేశాడు. తప్పు చేసిన వాడు దొరక్కుండా ఉంటాడా? సరిగ్గా వారం రోజుల తర్వాత ముస్తఫా ఇంటి తలుపులు తట్టారు పోలీసులు. ఇంటి ముందు పార్క్ చేసిన లగ్జరీ కార్లను స్వాధీనం చేసుకున్నారు. డబ్బును కూడా వెనక్కి తీసుకొని, అతన్ని జైలుకు పంపారు.
