‘మ్యాడ్’ చిత్రంతో హీరోగా పరిచయమైన ఎన్టీఆర్ బావమరిది నార్నె నితిన్.. తన రెండో చిత్రం అల్లు అరవింద్‌‌కు చెందిన ‘జీఏ2 పిక్చర్స్‌’ బ్యానర్‌‌‌‌లో చేస్తున్నాడు. బన్నీవాస్‌, విద్య కొప్పినీడి నిర్మిస్తున్నారు. అంజి కంచిపల్లి దర్శకుడు. ఈ మూవీ టైటిల్‌‌ను సోమవారం ప్రకటించారు. ‘ఆయ్’ అనే డిఫరెంట్ టైటిల్‌‌ను ఫిక్స్ చేశారు. దీనికి ‘మేం ఫ్రెండ్సండి’ అనే ట్యాగ్‌‌లైన్ పెట్టారు.
నయన్ సారిక హీరోయిన్‌‌గా నటిస్తున్న ఈ మూవీ షూటింగ్ ఇప్పటికే పూర్తయిందని తెలియజేశారు. ప్రస్తుతం పోస్ట్ ప్రొడక్షన్ పనులు జరుగుతున్నాయి. ఈ నెల 7న ఫస్ట్ లుక్‌‌ను రిలీజ్ చేసి, సమ్మర్‌‌‌‌లో సినిమాను విడుదల చేయబోతున్నట్టు ప్రకటించారు. రామ్ మిరియాల ఈ చిత్రానికి సంగీతం అందిస్తున్నాడు.
