కాగజ్ నగర్ లో జ్యోతిబా ఫూలే ఆదర్శప్రాయుడు అని నేతలు కొనియాడారు

కాగజ్ నగర్ లో  జ్యోతిబా ఫూలే ఆదర్శప్రాయుడు అని  నేతలు కొనియాడారు

కాగజ్ నగర్/చెన్నూరు/జన్నారం, వెలుగు: మహాత్మా జ్యోతిబాఫూలే ఆదర్శప్రాయుడని మాలి సంఘం నేతలు కొనియాడారు. మహాత్మ జ్యోతిబాపూలే 135వ వర్ధంతి వేడుకలు శుక్రవారం కాగజ్ నగర్ డివిజన్​లో ఘనంగా నిర్వహించారు. పూలే విగ్రహానికి పూలమాలవేసి నివాళులు అర్పించారు. 

బడుగు బలహీన వర్గాల అభ్యున్నతి కోసం ఫూలే నిరంతరం కృషి చేశారని గుర్తుచేసుకున్నారు. కార్యక్రమంలో రాష్ట్ర ప్రధాన కార్యదర్శి ఆడే వసంత్ రావు, రాష్ట్ర ఉపాధ్యక్షుడు ఆడే నాందేవ్, మాజీ సర్పంచ్, మాలి సంఘం జిల్లా ఉపాధ్యక్షుడు ఆడే శ్రీనివాస్, డివిజన్ యూత్ అధ్యక్షుడు మోర్లే వేణు, మండల ప్రధాన కార్యదర్శి మోర్లే రాము తదితరులు పాల్గొన్నారు. 

చెన్నూరు పట్టణ కాంగ్రెస్ నాయకులు పూలే వర్ధంతిని ఘనంగా నిర్వహించారు. ఆయన విగ్రహానికి పూలమాలలు వేసి నివాళులర్పించారు. పూలే ఆశయాన్ని స్ఫూర్తిగా తీసుకొని నేటి యువత ముందు కొనసాగాలని పిలుపునిచ్చారు. బీసీలంతా ఐక్యమత్యంగా ఉండి హక్కులను సాధించుకోవాలన్నారు. 

జన్నారం మండల కేంద్రంలో బీసీ సంక్షేమ సంఘం అధ్వర్యంలో ఫూలే వర్ధంతిని నిర్వహించారు. ఆయన ఫొటోకు పూలమాలలు వేసి నివాళులర్పించారు. బీసీ కులాల ఉద్యమ పోరాట సమితి ఉమ్మడి ఆదిలాబాద్ జిల్లా కన్వీనర్ కోడూరి చంద్రయ్య, జిల్లా నేత కాసెట్టి లక్ష్మణ్, నాయకులు శంకర్, నర్సయ్య, పురుషోత్తం,లక్ష్మీనారాయణ, రాజన్న, ఫజాల్ ఖాన్ తదితరులు పాల్గొన్నారు.