మెగాస్టార్ చిరంజీవి(Chiranjeevi) హీరోగా, బింబిసార(Bimbisara) దర్శకుడు వశిష్ట(Vassishta) కాంబోలో ఒక భారీ మూవీ తెరకెక్కుతున్న విషయం తెలిసిందే. యూవీ క్రియేషన్స్(UV Creations) సంస్థ ప్రతిష్టాత్మకంగా నిర్మిస్తున్న ఈ సినిమా.. ఇటీవల దసరా పండుగా సంధర్బంగా పూజా కార్యక్రమాలతో మొదలైంది. పాన్ ఇండియా లెవల్లో భారీ బడ్జెట్ తో తెరకెక్కుతున్న ఈ సినిమాపై ఇప్పటికే అంచనాలు నెక్స్ట్ లెవల్లో ఏర్పడుతున్నాయి. అందుకే ఈ సినిమా నుండి వినిపిస్తున్న చిన్న న్యూస్ ఐనా క్షణాల్లో ట్రేడింగ్ గా మారుతోంది.
తాజాగా ఈ మెగా156(Mega156) ప్రాజెక్టు నుండి ఒక క్రీజీ న్యూస్ సోషల్ మీడియాలో వైరల్ గా మారుతోంది. అదేంటంటే.. సోషల్ ఫాంటసీ ఎలిమెంట్స్ తో వస్తున్న ఈ సినిమాకు విశ్వంభర(Vishwambhara) అనే టైటిల్ ను పరిశీలిస్తున్నారట మేకర్స్. ఈ టైటిల్ అయితేనే సినిమాకు పర్ఫెక్ట్ గా సెట్ అవుతుందని భావిస్తున్నారట. కారణం విశ్వంభర అంటే పంచభూతాలను తన అదేనంలో పెట్టుకునేవాడు అని అర్థం. ఇప్పటికే రిలీజ్ చేసిన ఈ సినిమా పోస్టర్ లో కూడా పంచభూతాలకు సంబందించిన ఎలిమెంట్స్ ను యాడ్ చేశారు. దీంతో ఈ సినిమాకు పంచభూతాలకు స్ట్రాంగ్ కనెక్షన్ ఉండనుందని అర్థమవుతోంది. అందుకే ఈ సినిమాకు విశ్వంభర అనే టైటిల్ ను ఫిక్స్ చేయాలని డిసైడ్ అయ్యారట మేకర్స్. చిరంజీవి లాంటి స్టార్ హీరోకు కూడా ఆ టైటిల్ పర్ఫెక్ట్ గా సెట్ అవుతుందని అనుకుంటున్నారట.
ఇక ఈ సినిమా విషయానికి వస్తే.. సీతారామం ఫేమ్ మృణాల్ ఠాకూర్(Mrunal thakur) హీరోయిన్ గా నటిస్తుందని వార్తలు బలంగా వినిపిస్తున్నాయి. ఛోటా కే నాయుడు(Chota k naidu) కెమెరామెన్ గా పని చేస్తుండగా.. ఆస్కార్ విజేత ఎంఎం కీరవాణి(MM Keeravani) సంగీతం అందిస్తున్నారు. వచ్చే ఏడాది ప్రేక్షకుల ముందుకు రానుంది ఈ సినిమా.
