బాలికను అత్యాచారం చేసి.. అబార్షన్ కు యత్నం

బాలికను అత్యాచారం చేసి.. అబార్షన్ కు యత్నం

బెల్లంపల్లి, వెలుగు: పెళ్లి చేసుకుంటానని బాలికను మోసం చేయడమే కాకుండా అబార్షన్​చేయించేందుకు యత్నించిన ముగ్గురిపై పోలీసులు పోక్సో చట్టం కింద కేసు నమోదు చేశారు. బాలిక కుటుంబసభ్యులు తెలిపిన వివరాల ప్రకారం.. మంచిర్యాల జిల్లా నీల్వాయి ఎస్సీ కాలనీకి చెందిన బాలిక సెకండ్​ఇయర్​ చదువుతోంది. కరోనా లాక్​డౌన్​కారణంగా ఇంటి దగ్గరే ఉంటోంది. ఆరు నెలల క్రితం ఇంటి పక్కన ఉన్న చెన్నూరి ప్రసాద్​తో ఆమెకు పరిచయం ఏర్పడింది. వెంట పడుతూ ప్రేమిస్తున్నానంటూ మాయమాటలు చెప్పి లొంగదీసుకున్నాడు. బాలిక గర్భం దాల్చడంతో అబార్షన్​ చేయించేందుకు చెన్నూర్​ఆస్పత్రికి తీసుకెళ్తానని ఒత్తిడి తెచ్చాడు. బాలిక రాననడంతో ఇంటి వద్దే అబార్షన్​కు స్కెచ్​ వేశాడు. మాట్లాడాలని ఇంటికి పిలిపించి తన సోదరులు సంతోష్, ప్రశాంత్​లతో కలిసి బలవంతంగా మాత్రలు మింగించాడు. అనారోగ్యానికి గురైన బాలిక విషయాన్ని కుటుంబసభ్యులకు చెప్పింది. తండ్రితో కలిసి బాలిక నీల్వాయి పోలీసులకు ఫిర్యాదు చేసింది. చెన్నూరి ప్రసాద్, సంతోష్​, ప్రశాంత్​పై పోక్సో చట్టం కింద కేసు నమోదు చేసి దర్యాప్తు చేస్తున్నట్లు ఏసీపీ నరేందర్​చెప్పారు.