- పోలింగ్బూత్ల పరిశీలన
కోల్బెల్ట్/బెల్లంపల్లి, వెలుగు: స్థానిక సంస్థల ఎన్నికలు ప్రశాంతంగా జరిగేలా అన్ని వర్గాలు సహకరించాలని మంచిర్యాల డీసీపీ భాస్కర్ కోరారు. శనివారం మందమర్రి మండలం పులిమడుగు గ్రామంలోని పోలింగ్బూత్లను డీసీపీ పరిశీలించారు. విద్యుత్సప్లై, పహరీ, బూత్పరిసరాలను పరిశీలించి పలు సూచనలు చేశారు. అనంతరం గ్రామస్తులు, యువకులతో మాట్లాడారు. తప్పనిసరిగా అందరూ ఓటు హక్కును వినియోగించుకోవాలన్నారు.
ఎన్నికల సమయంలో ఎలాంటి గొడవలకు పాల్పడవద్దన్నారు. డీసీపీ వెంట బెల్లంపల్లి ఏసీపీ రవికుమార్, మందమర్రి సీఐ శశిధర్రెడ్డి, ఉన్నారు. బెల్లంపల్లి పట్టణంలోని పద్మశాలి భవన్లో సబ్ డివిజన్ పోలీసులకు ఏర్పాటు చేసిన అవగాహన సదస్సులో ఆయన మాట్లాడారు. శాంతిభద్రతల పరిరక్షణను బాధ్యతగా తీసుకోవాలన్నారు. ఎన్నికల సందర్భంగా పోలీసు అధికారులు, సిబ్బంది నిర్వహించాల్సిన విధుల గురించి వివరించారు.
ఎన్నికలు శాంతియుతంగా, నిస్పక్షపాతంగా జరిగేలా బాధ్యతగా వ్యవహరించాలన్నారు. ప్రతి పోలింగ్ స్టేషన్ వద్ద తగిన భద్రత, బందోబస్తు ఏర్పాటు చేయాలని ఆదేశించారు. ఆయా కార్యక్రమాల్లో బెల్లంపల్లి ఏసీపీ ఎ.రవికుమార్, సీఐలు హనోక్, దేవయ్య, శశిధర్ రెడ్డి, బెల్లంపల్లి సబ్ డివిజన్ పరిధిలోని ఎస్సైలు, సిబ్బంది పాల్గొన్నారు.
