కాంగ్రెస్ బలపరిచిన అభ్యర్థుల ప్రకటన .. నియోజకవర్గ అభివృద్ధే లక్ష్యం: ఎమ్మెల్యే ప్రేమ్ సాగర్ రావు

కాంగ్రెస్ బలపరిచిన అభ్యర్థుల ప్రకటన .. నియోజకవర్గ అభివృద్ధే లక్ష్యం: ఎమ్మెల్యే ప్రేమ్ సాగర్ రావు

లక్సెట్టిపేట, వెలుగు: నియోజకవర్గంలో రైతులను రాజులు చేయడమే తన లక్ష్యమని, అలాగే ప్రజలకు కార్పొరేట్​స్థాయి విద్య, వైద్యం అందించేందుకు చిత్తశుద్ధితో కృషి చేస్తున్నానని మంచిర్యాల ఎమ్మెల్యే కొక్కిరాల ప్రేమ్ సాగర్ రావు పేర్కొన్నారు. శనివారం లక్సెట్టిపేట పట్టణంలోని ఆర్ అండ్ బీ విశ్రాంతి భవనం ఆవరణలో ఏర్పాటు చేసిన కార్యక్రమంలో నియోజకవర్గంలోని హాజీపూర్, దండేపల్లి, లక్సెట్టిపేట మండలాలకు చెందిన కాంగ్రెస్ బలపరిచిన సర్పంచ్ అభ్యర్థులను ఆయన ప్రకటించారు. 

ఈ సందర్భంగా మాట్లాడుతూ.. ప్రభుత్వం నుంచి నిధులు తీసుకొచ్చి నియోజకవర్గ అభివృద్ధికి శాయశక్తులా కృషి చేస్తున్నానని తెలిపారు. రైతులు దొడ్డు బియ్యం కంటే సన్నబియ్యం పండించడానికే మొగ్గు చూపాలని సూచించారు. మూడో పంటకు కూడా సాగునీరు అందించేందుకు కృషి చేస్తానన్నారు. ఎలాంటి తరుగు తీయకుండా ధాన్యం కొనుగోలు చేసిన ఘనత కాంగ్రెస్​ప్రభుత్వానిదేనన్నారు. కార్యక్రమంలో డీసీసీ మాజీ అధ్యక్షురాలు సురేఖ, నాయకులు  ప్రేమ్ చంద్, గడ్డం త్రిమూర్తి, నాగభూషణం, ఆరిఫ్, పి.రమేశ్, ఎ.శ్రీనివాస్, చింత అశోక్, ఎం.స్వామి, పూర్ణచందర్ రావు తదితరులు పాల్గొన్నారు.