కోల్బెల్ట్, వెలుగు: ప్రతీ ఒక్కరు తాము నిజాయితీగా ఉంటూ అవినీతి, అక్రమాలను అడ్డుకోవాలని మందమర్రి ఏరియా సింగరేణి జీఎం రాధాకృష్ణ సూచించారు. సోమవారం మందమర్రి జీఎం ఆఫీస్ కాన్ఫరెన్స్హాల్లో విజిలెన్స్ అవగాహన వారోత్సవాలను ఆయన ప్రారంభించారు. ఉద్యోగులందరినీ చైతన్యపరిచి అవినీతి నిర్మూలనలో భాగస్వాములను చేయడమే ఈ ఉత్సవాల ప్రధాన ఉద్దేశమని తెలిపారు. సింగరేణి సంస్థలో ఏవైనా అక్రమాలు, అవినీతి జరుగుతున్నట్లు తెలిస్తే విజిలెన్స్ఆఫీసర్ల దృష్టికి తీసుకురావాలని కోరారు.
ఈ అంశంపై సింగరేణి అధికారులు, ఉద్యోగులు, సింగరేణి స్కూల్ విద్యార్థులకు పోటీలు నిర్వహిస్తున్నట్లు పేర్కొన్నారు. అనంతరం విజిలెన్స్ సమగ్రత ప్రతిజ్ఞ చేయించారు. బొగ్గు గనులు, డిపార్ట్మెంట్లు, ఆఫీసులు, రామకృష్ణాపూర్ సింగరేణి సూపర్బజార్లో వారోత్సవాలను నిర్వహించారు. ఎస్వోటూ జీఎం విజయప్రసాద్, పర్సనల్ మేనేజర్ శ్యాంసుందర్, సింగరేణి ఆఫీసర్స్అసోసియేషన్ జాయింట్సెక్రెటరీ రవి, పీవో సత్యనారాయణ, గుర్తింపు సంఘం లీడర్లు పాల్గొన్నారు.
