హైదరాబాద్‌‌కు చెందిన అదితి రావు హైదరి, హిందీలో ఎక్కువ సినిమాలు చేసినప్పటికీ.. మణిరత్నం తీసిన ‘చెలియా’ తర్వాత తన ఫోకస్ సౌత్ ఇండస్ట్రీపై పడింది. సమ్మోహనం, వి, మహాసముద్రం లాంటి చిత్రాలతో తెలుగు ప్రేక్షకులను కూడా ఆకట్టుకుంది. తాజాగా ఆమె ఓ తమిళ సినిమాకు సైన్ చేసినట్టు తెలుస్తోంది. అదికూడా తన ఫేవరేట్ దర్శకుడు మణిరత్నం డైరెక్షన్‌‌లో. కమల్ హాసన్ హీరోగా మణిరత్నం దర్శకత్వంలో ఓ సినిమా తెరకెక్కుతున్న విషయం తెలిసిందే. ‘నాయకుడు’ లాంటి కల్ట్ మూవీ తర్వాత 36 ఏళ్లకు ఈ ఇద్దరూ కలిసి వర్క్ చేస్తున్నారు. ఇటీవలే ఓపెనింగ్ కూడా జరిగింది. ఇందులోని ఓ కీలకపాత్రకు అదితి రావు హైదరిని మణిరత్నం ఫైనల్ చేసినట్టు టాక్. కమల్ హాసన్‌‌కు చెల్లెలి పాత్రలో ఆమె కనిపించనుందట. షూటింగ్‌‌కు ముందే తమిళం నేర్చుకోమని మణిరత్నం చెప్పడంతో.. ప్రస్తుతం తమిళ భాషపై పట్టు సాధించే ప్రయత్నంలో ఉందట అదితి.
