ఇంఫాల్: మణిపూర్‌‌‌‌లో పూర్తి నిరాయుధీకరణ చేపట్టాలని కోరుతూ ఆ రాష్ట్రానికి చెందిన 40మంది ఎమ్మెల్యేలు ప్రధాని మోదీకి బుధవారం లెటర్ రాశారు. రాష్ట్రంలో శాంతి భద్రతలను పెంపొందించేందుకు ఈ చర్య చాలా అవసరమని స్పష్టం చేశారు. దీంతో పాటు కుకీ మిలిటెంట్ గ్రూపులతో కుదుర్చుకున్న' సస్పెన్షన్ ఆఫ్ ఆపరేషన్స్' ఒప్పందాన్ని వాపస్ తీసుకోవాలని మోదీకి విజ్ఞప్తి చేశారు. రాష్ట్రంలో ఎన్ఆర్సీని అమలుచేసి.. అటానమస్ డిస్ట్రిక్ట్ కౌన్సిల్లను బలోపేతం చేయాలని డిమాండ్ చేశారు. ఆయుధాలతో చొరబడుతున్న విదేశీ మూకలను అరికట్టాలని కోరారు.
