- సుక్మా, నారాయణ్పూర్ జిల్లాల్లో ఘటనలు
- నలుగురికి తీవ్ర గాయాలు
- ఇద్దరి పరిస్థితి విషమం
భద్రాచలం, వెలుగు : ఛత్తీస్గఢ్రాష్ట్రంలో మావోయిస్టులు రెండు వేర్వేరు జిల్లాల్లో జవాన్లను లక్ష్యంగా చేసుకుని సోమవారం మందుపాతరలు పేల్చారు. ఒక చోట నలుగురు జవాన్లు తీవ్రంగా గాయపడగా, మరో చోట ల్యాండ్మైన్ను గుర్తించి నిర్వీర్యం చేశారు. సుక్మా జిల్లా దబ్బమరక సీఆర్పీఎఫ్ క్యాంపు- సలాతోంగ గ్రామ అడవుల్లో రోడ్డు నిర్మాణ పనుల రక్షణకు వెళ్లిన జవాన్లను టార్గెట్ చేసుకుని మావోయిస్టులు మందుపాతర పేల్చారు. ఈ ఘటనలో డీఆర్జీ జవాన్లు లక్ష్మణ్తంతన్, కె.భీమా, మంటూ కుమార్, అరుణ్ కార్తీక్ తీవ్రంగా గాయపడ్డారు.
వీరిని హెలీకాప్టర్ ద్వారా దవాఖానకు తరలించారు. వీరిలో మంటూ కుమార్, అరుణ్కార్తీక్ పరిస్థితి విషమంగా ఉంది. నారాయణ్పూర్జిల్లాలో పల్లీ-బార్సూర్అటవీ గ్రామాల మధ్య మావోయిస్టులు చెట్టును నరికి రోడ్డుకు అడ్డంగా పడేసి దాని కింద మందుపాతర అమర్చారు. విషయం తెలుసుకున్న సీఆర్పీఎఫ్జవాన్లు చెట్టును తొలగించి, మందుపాతరను బాంబుస్క్వాడ్ సాయంతో నిర్వీర్యం చేశారు.
