జగిత్యాల టౌన్/ధర్మపురి, వెలుగు: బీసీల పేరిట కేటీఆర్ మొసలి కన్నీరు కారుస్తున్నారని మంత్రి అడ్లూరి లక్ష్మణ్ కుమార్ విమర్శించారు. బీసీల కోసం నిజంగా పోరాడుతోంది కాంగ్రెస్ పార్టీయేనని పేర్కొన్నారు. శనివారం ధర్మపురిలోని తన క్వార్టర్స్ లో ఏర్పాటు చేసిన ప్రెస్ మీట్ లో ఆయన మాట్లాడారు. బీసీలకు 42 శాతం రిజర్వేషన్ల తీర్మానంపై చర్చ జరుగుతుండగా.. ప్రతిపక్ష నాయకుడైన కేసీఆర్ అసెంబ్లీకే రాలేదన్నారు.
మాటలు కాదు హాజరై మద్దతు ఇవ్వడం కర్తవ్యమని తెలిపారు. కాంగ్రెస్ ప్రభుత్వం వచ్చిన తర్వాత ధర్మపురి అభివృద్ధిలో వేగం పెరిగిందన్నారు. రోడ్లు, నీటి సదుపాయం కల్పించామని, సంక్షేమ పథకాలు ప్రజలకు అందుతున్నాయని చెప్పారు. రైతులకు రుణమాఫీ చేశామని, మహిళలకు ఇందిరమ్మ ఇండ్లు, వడ్డీలేని రుణాలు ఇస్తున్నట్లు తెలిపారు. బీసీల అభివృద్ధిని మాటల్లో కాదు.. చేతల్లో చూపిస్తున్నామని పేర్కొన్నారు.
