- స్టూడెంట్స్కి విషెస్ చెప్పిన మంత్రి పొన్నం ప్రభాకర్
కోహెడ(హుస్నాబాద్)వెలుగు :హుస్నాబాద్ లో శాతవాహన ఇంజనీరింగ్ కాలేజీని ప్రారంభించుకోవడం సంతోషకరమని మంత్రి పొన్నం ప్రభాకర్ అన్నారు.గురువారం హుస్నాబాద్ పాలిటెక్నిక్ కాలేజీ మొదటి అంతస్తులో ఏర్పాటు చేసిన ఇంజినీరింగ్ కాలేజీని వైస్చాన్స్లర్ఉమేశ్ కుమార్తో కలిసి కలెక్టర్ హైమావతి ప్రారంభించారు. ఈ సందర్భంగా మంత్రి ఫోన్ ద్వారా స్టూడెంట్స్కి శుభాకాంక్షలు తెలిపారు.
కాలేజీ భవన నిర్మాణానికి 35 ఎకరాల విస్తీర్ణంలో త్వరలో సీఎం చేతుల మీదుగా శంకుస్థాపన చేస్తామని చెప్పారు. యూనివర్సిటీ రిజిస్టర్ రవికుమార్,లైబ్రరీ చైర్మన్ లింగమూర్తి,ఆర్డీవో రామ్మూర్తి, ఏఎమ్సీ చైర్మన్ తిరుపతి రెడ్డి, సింగిల్ విండో చైర్మన్ శివయ్య ఉన్నారు.
