మక్తల్, వెలుగు: వచ్చే నెల ఒకటిన సీఎం రేవంత్రెడ్డి మక్తల్లో పర్యటించనుండగా, సభ ఏర్పాట్లను మంత్రి వాకిటి శ్రీహరి పరిశీలించారు. సీఎం పలు అభివృద్ధి పనులకు భూమిపూజ, శంకుస్థాపనలు చేసిన అనంతరం మక్తల్లో జరిగే బహిరంగసభలో పాల్గొననున్నారు.
సభ ఏర్పాట్లను శుక్రవారం సాయంత్రం మంత్రి పరిశీలించారు. మక్తల్–నారాయణపేట ప్రధాన రహదారి సమీపంలో సభ ఏర్పాటు చేస్తుండగా, సౌలతులపై ఆఫీసర్లకు పలు సూచనలు చేశారు. నారాయణపేట ఎస్పీ వినీత్ పోలీసు అధికారులు, మున్సిపల్ అధికారులతో కలిసి సభ ఏర్పాట్లను పరిశీలించారు.
సీఎం పర్యటనకు కట్టుదిట్టమైన భద్రత చేస్తున్నట్లు చెప్పారు. మక్తల్లోని బీసీ వెల్ఫేర్ రెసిడెన్షియల్ స్కూల్ మైదానంలో పబ్లిక్ మీటింగ్ ఏర్పాటు చేసే స్థలం, హెలీప్యాడ్, పార్కింగ్ ప్రాంతాలను పరిశీలించి, బందోబస్తుకు సంబంధించిన రూట్ మ్యాప్ తయారు చేయాలని ఆదేశించారు. సెక్టార్లుగా విభజించి తగిన భద్రత కల్పించాలని సూచించారు.
