జడ్చర్ల, వెలుగు : తొమ్మిదిన్నరేళ్లుగా రాష్ట్రంలో సీఎం కేసీఆర్ అమలు చేస్తున్న పథకాలు చూసి ఈ నెల 30న జరిగే అసెంబ్లీ ఎన్నికల్లో బీఆర్ఎస్ పార్టీకి ఓట్లు వేయాలని ఓటర్లను ఆ పార్టీ జడ్చర్ల అభ్యర్థి, ఎమ్మెల్యే సి.లక్ష్మారెడ్డి కోరారు. గురువారం ఆయన పట్టణంలోని పాతబజార్, చావిడీ, పాత బస్టాండ్ ప్రాంతాల్లో ఇంటింటికీ తిరిగి ఓట్లను అభ్యర్థించారు. అంతకుముందు కాంగ్రెస్, బీజేపీలకు చెందిన పలువురు బీఆర్ఎస్లో చేరారు.
అనంతరం ఆయన మాట్లాడుతూ కాంగ్రెస్ హయాంలో స్కాములు తప్ప అభివృద్ధి జరగలేదన్నారు. జడ్చర్లలో విస్తారమైన రోడ్లు, సెంట్రల్ లైటింగ్, మిషన్ భగీరథ, అర్హులైన పేదలకు డబుల్ బెడ్ రూమ్ ఇండ్లు మంజూరు చేశామన్నారు. కార్యక్రమంలో రాష్ట్ర సంగీత నాటక అకాడమీ మాజీ చైర్మన్ బాద్మి శివకుమార్, మూడ డైరెక్టర్ బాద్మి రవిశంకర్, పిట్టల మురళి, బాదేపల్లి రంజిత్ బాబు, పాల రాంరెడ్డి, పార్వతమ్మ, తదితరులు పాల్గొన్నారు.
