అడ్డాకుల, వెలుగు : దేవరకద్ర నియోజకవర్గానికి రెండు పెద్ద ఆసుపత్రులు తీసుకొచ్చి పేదలకు నాణ్యమైన వైద్యాన్ని అందించేందుకు కృషి చేస్తానని ఎమ్మెల్యే జి మధుసూదన్ రెడ్డి తెలిపారు. మండలంలోని రాచాల గ్రామంలో మంగళవారం పల్లె దవాఖానను ప్రారంభించారు. ఈ సందర్భంగా ఆయన మాట్లాడుతూ దేవరకద్ర కు 100 పడకల ఆసుపత్రి, కొత్తకోటకు 30 పడకల ఆసుపత్రి కోసం ప్రపోజల్ పంపిస్తే సీఎం రేవంత్ రెడ్డి ఓకే చెప్పారని తెలిపారు.
రాష్ట్రంలో విద్య, వైద్యం, ఉపాధికి పెద్దపీట వేస్తున్నట్లు చెప్పారు. అనంతరం లివర్ వ్యాధితో బాధ పడుతున్న మండల కేంద్రానికి చెందిన చిన్న కాశన్నకు రూ.1.25 లక్షల ఎల్ వోసీని అందజేశారు. తహసీల్దార్ ఘాన్సిరాం, ఎంపీడీవో మంజుల, శ్రీహరి, విజయమోహన్ రెడ్డి, శరత్ కుమార్ రెడ్డి పాల్గొన్నారు.
