కరీంనగర్ టౌన్, వెలుగు: మాజీ సీఎం కేసీఆర్ దీక్షతోనే అప్పటి కేంద్ర ప్రభుత్వంలో తెలంగాణ అంశంపై చలనం వచ్చిందని ఎమ్మెల్యే గంగుల కమలాకర్ అన్నారు. శనివారం దీక్షాదివస్ ను పురస్కరించుకొని సిటీలోని బీఆర్ఎస్ ఆఫీస్ లో నిర్వహించిన సమావేశంలో ఎమ్మెల్యే పాడికౌశిక్ రెడ్డితో కలిసి మాట్లాడారు. జీపీ ఎన్నికల్లో బీఆర్ఎస్మెజార్టీ స్థానాలను కైవసం చేసుకుంటుందని ధీమా వ్యక్తం చేశారు. శాతవాహన యూనివర్సిటీ ఎదుట బీఆర్ఎస్వీ ఆధ్వర్యంలో కేసీఆర్ ఫ్లెక్సీకి క్షీరాభిషేకం చేశారు. మాజీ ఎమ్మెల్సీ లక్ష్మణ్ రావు, బీఆర్ఎస్ సిటీ ప్రెసిడెంట్ హరిశంకర్ తదితరులు పాల్గొన్నారు.
దొంగ దీక్ష అంటారా?
సిరిసిల్ల టౌన్: జిల్లా కేంద్రంలోని తెలంగాణ భవన్ లో శనివారం బీఆర్ఎస్ ఆధ్వర్యంలో దీక్షా దివస్ నిర్వహంచారు. మాజీ ఎంపీ వినోద్ కుమార్, మాజీ ఎమ్మెల్యే రసమయి బాలకిషన్ హాజరై మాట్లాడారు. కేసీఆర్ దీక్షను దొంగ దీక్ష అంటారా అంటూ పీసీసీ చీఫ్ మహేశ్ కుమార్ గౌడ్ పై అయ్యారు. తెలంగాణ ఇచ్చిన సోనియాగాంధీకి కృతజ్ఞతలు తెలిపిన చరిత్ర కేసీఆర్దని, బలిదేవత అన్న చరిత్ర మీ సీఎం రేవంత్ రెడ్డిదని విమర్శించారు. బీఆర్ఎస్ జిల్లా అధ్యక్షుడు ఆగయ్య, అధ్యక్షుడు జిందం చక్రపాణి, సెస్ చైర్మన్ రామారావు పాల్గొన్నారు.
జగిత్యాలలోని బీఆర్ఎస్ ఆఫీస్లో..
జగిత్యాల టౌన్: జగిత్యాలలోని బీఆర్ఎస్ ఆఫీస్లో తెలంగాణ తల్లి విగ్రహానికి పార్టీ జిల్లా అధ్యక్షుడు విద్యాసాగర్రావు పూలమాల వేశారు. కేసీఆర్ ఫ్లెక్సీకి క్షీరాభిషేకం చేశారు. కోరుట్ల ఎమ్మెల్యే సంజయ్, జడ్పీ మాజీ చైర్పర్సన్ వసంత, నాయకులున్నారు.
చరిత్రలో నిలిచిపోయే రోజు..
వేములవాడరూరల్: దీక్షా దివస్ చరిత్రలో నిలిచిపోయే రోజని మున్సిపల్ మాజీ చైర్పర్సన్ రామతీర్థపు మాధవి అన్నారు. వేములవాడలోని తెలంగాణ చౌక్లో తెలంగాణ తల్లి విగ్రహానికి పూలమాలలు వేశారు. నాయకులు మనోహర్ రెడ్డి, రాజు ఉన్నారు.
