పాల్వంచ రూరల్, వెలుగు : ప్రజలకు ఇచ్చిన హామీలను నెరవేర్చేందుకు కట్టుబడి పనిచేస్తానని కొత్తగూడెం ఎమ్మెల్యే కూనంనేని సాంబశివరావు అన్నారు. మంగళవారం మండలపరిధిలోని సారేకల్లు, కార్యగట్టు, కోడిపుంజులవాగు, పూసలతండా, నాగారం కాలనీల్లో ఆయన పర్యటించారు. ప్రజలను సమస్యలు అడిగి తెలుసుకున్నారు. ఈ సందర్భంగా ఆయన మాట్లాడుతూ గత పదేండ్లలో అభివృద్ధి కుంటుపడిందన్నారు.
ప్రణాళికాబద్ధంగా నియోజకవర్గాన్ని అభివృద్ధి చేస్తున్నానని చెప్పారు. ఎన్నికల కోడ్ అనంతరం ప్రజలకు ఇచ్చిన హామీలను దశలవారీగా పూర్తిచేస్తామన్నారు. ఆయన వెంట డీసీఎంఎస్ చైర్మన్ కొత్వాల శ్రీనివాసరావు, సీపీఐ జిల్లా కార్యదర్శి ఎస్కే సాబీర్పాషా, రాష్ట్రసమితి సభ్యులు ముత్యాల విశ్వనాధం, కాంగ్రెస్ జిల్లా నాయకులు యర్రంశెట్టి ముత్తయ్య, వీసంశెట్టి పూర్ణచంద్రరావు, పట్టణ కార్యదర్శి అడుసుమల్లి సాయిబాబు, బండి నాగేశ్వరరావు, ఉప్పుశెట్టి రాహుల్, డీ.సుధాకర్, శనిగరపు శ్రీనివాసరావు, తదితరులు పాల్గొన్నారు.
