- కొత్త దుస్తులు అందించిన ఎమ్మెల్యే
యాదాద్రి, వెలుగు : భువనగిరి నియోజకవర్గంలోని నాతాళ్లగూడెం, బండసోమారం గ్రామాల్లో నిర్మించిన ఇందిరమ్మ ఇండ్లలో గృహ ప్రవేశం జరిగింది. గురువారం వలిగొండ మండలం నాతాళ్లగూడెంలోని జూకంటి మనోహర తన ఇంటి నిర్మాణం పూర్తి కావడంతో గృహ ప్రవేశానికి ఎమెల్యే కుంభం అనిల్ కుమార్ రెడ్డిని ఆహ్వానించారు. గృహ ప్రవేశానికి వచ్చిన ఆయన లబ్ధిదారు కుటుంబ సభ్యులకు కొత్త బట్టలు పెట్టారు.
లబ్ధిదారులందరూ త్వరగా ఇండ్ల నిర్మాణ పనులు పూర్తి చేసుకోవాలని ఎమ్మెల్యే సూచించారు. అనంతరం నమాత్పల్లి, బండసోమారం, కంచనపల్లి, తుక్కపురం, గౌస్నగర్, ఎర్రబెల్లి, కేసారం, బాలంపల్లి, రామచంద్రాపురం, పెంచికల్పహాడ్లో హెచ్ఎండీఏ నిధులతో చేపట్టే పనులతో పాటు ఇతర అభివృద్ధి పనులకు ఆయన శంకుస్థాపన చేశారు.
