శాయంపేట (దామెర), వెలుగు: పల్లెల్లో మెరుగైన వైద్యసేవలు అందించేందుకే పల్లె దవాఖానలను ఏర్పాటు చేస్తున్నామని పరకాల ఎమ్మెల్యే రేవూరి ప్రకాశ్రెడ్డి అన్నారు. హనుమకొండ జిల్లా దామెర మండలం ఊరుగొండలో రూ.20 లక్షలతో నిర్మించిన ఆయుష్మాన్ ఆరోగ్య ఉపకేంద్రాన్ని గురువారం ఎమ్మెల్యే ప్రారంభించారు. అంతకుముందు వనమహోత్సవంలో భాగంగా మొక్కలు నాటి నీరుపోశారు.
ఈ సందర్భంగా ఆయన మాట్లాడుతూ కాంగ్రెస్ గవర్నమెంట్ విద్య, వైద్యానికి ప్రాధాన్యతనిస్తుందన్నారు. పల్లె దవాఖానల్లో అన్ని రకాల రక్త పరీక్షలు చేస్తారని, ప్రజలు సద్వినియోగం చేసుకోవాలని సూచించారు. సీఎం రేవంత్ రెడ్డి నాయకత్వంలోని కాంగ్రెస్ ప్రజా ప్రభుత్వాన్ని ప్రజలు ఆశీర్వదించాలని కోరారు.
