ఇంద్రవెల్లి, వెలుగు: కోటి మంది మహిళలను కోటీశ్వరులను చేయడమే లక్ష్యంగా ప్రజా ప్రభుత్వ ముందుకు సాగుతోందని ఎమ్మెల్యే వెడ్మ బొజ్జు పటేల్ అన్నారు. శుక్రవారం ఇంద్రవెల్లి మండలంలోని ఈశ్వర్ నగర్, ముత్నూర్, ఉట్నూర్ మండలంలోని కన్నాపూర్, గంగాపూర్, పాత ఉట్నూర్ లో మహిళా సమాఖ్య భవనాలకు భూమిపూజ చేశారు. అనంతరం కన్నాపూర్, గంగాపూర్ గ్రామాల్లో కొత్తగా నిర్మించిన పంచాయతీ భవనాలను ప్రారంభించారు.
ఈ సందర్భంగా ఆయన మాట్లాడుతూ.. రాష్ట్ర అభివృద్ధే ఎజెండాగా కాంగ్రెస్సర్కారు పని చేస్తోందని, ప్రజలకు ఇచ్చిన అన్ని హామీలను నెరవేరుస్తామని పేర్కొన్నారు. ఏపీడీ గోవింద్ రావు, ఉట్నూర్ తహసీల్దార్ ప్రవీణ్, ఇంద్రవెల్లి తహసీల్దార్ ప్రవీణ్, ఎంపీడీవోలు జీవన్ రెడ్డి, రామ్ప్రసాద్, ఇంద్రవెల్లి మార్కెట్ కమిటీ చైర్మన్ ముఖాడే ఉత్తమ్, సర్పంచ్లు శారద, విఠల్, ఉప సర్పంచ్ రాహుల్ ఉన్నారు.
