- వేడుకల్లో పాల్గొన్న చెన్నూరు, బెల్లంపల్లి ఎమ్మెల్యేలు వివేక్ వెంకటస్వామి, వినోద్
నెట్వర్క్, వెలుగు: చెన్నూరు మండలం లింగంపల్లి గ్రామంలో సోమవారం నిర్వహించిన మధున పోచమ్మ బోనాల జాతరకు చెన్నూరు ఎమ్మెల్యే వివేక్ వెంకటస్వామి హాజరయ్యారు. ఈ సందర్భంగా గ్రామ ప్రజలతో కలిసి పోచమ్మ తల్లిని దర్శించుకొని మొక్కులు తీర్చుకున్నారు. నియోజకవర్గ ప్రజలంతా బాగుండాలని కోరుకున్నట్లు చెప్పారు.
చెన్నూరు ప్రెస్క్లబ్ అధ్యక్షుడు అట్టెం మధునయ్య, వైస్ ప్రెసిడెంట్ కల్యాణ్ నేతృత్వంలో పాత్రికేయులు ఎమ్మెల్యేను కలిశారు. పట్టణంలోని అస్నాద్ రోడ్డులో ఉన్న సర్వే నంబర్863లో 2.5 గుంటల భూమిని అప్పటి ప్రభుత్వం జర్నలిస్టులకు కేటాయించిందని, ఆ భూమిని ఇతరులు కబ్జా చేసి అమ్ముకుంటున్నారని ఆయన దృష్టికి తీసుకెళ్లారు. ఆ స్థలాన్ని తిరిగి తమకు ఇప్పించాలని కోరుతూ వినతిపత్రం అందించారు. ఎమ్మెల్యే వెంట జడ్పీ మాజీ వైస్ చైర్మన్ మూల రాజిరెడ్డి, కాంగ్రెస్ లీడర్లు ఐత హేమంతరెడ్డి, గొడిశల బాపిరెడ్డి, మాజీ సర్పంచ్ రమేశ్, పొడేటి రవి,పెద్దింటి శ్రీనివాస్, బాపగౌడ్, మహేశ్ తివారీ, అన్వర్, రాజమల్ల గౌడ్, అంకాగౌడ్ పాల్గొన్నారు.
ఇఫ్తార్విందులో ఎమ్మెల్యేలు
బెల్లంపల్లి పట్టణం ప్రగతి జూనియర్ కాలేజ్ ఆవరణలో సోమవారం రాత్రి కాంగ్రెస్ పార్టీ ఆధ్వర్యంలో ఏర్పాటు చేసిన ఇఫ్తార్విందులో ఎమ్మెల్యేలు గడ్డం వినోద్, వివేక్ వెంకటస్వామి చీఫ్ గెస్ట్లుగా పాల్గొన్నారు. ఈ సందర్భంగా ముస్లింలకు ఖర్జూర పండ్లు తినిపించారు. ముస్లింల సంక్షేమానికి రాష్ట్ర సర్కార్ పెద్దపీట వేస్తోందన్నారు.
ముస్లిం కుటుంబాలు రంజాన్ వేడుకలను సంతోషంగా జరుపుకోవాలని కోరారు. కార్యక్రమంలో మున్సిపల్మాజీ చైర్మన్ మత్తమారి సూరిబాబు, ఎన్ఎస్యూఐ జిల్లా ప్రెసిడెంట్ఆదర్శ్వర్ధన్, కాంగ్రెస్టౌన్ ప్రెసిడెంట్ ముచ్చర్ల మల్లయ్య, మైనార్టీ లీడర్లు అన్వర్ఖాన్, నిజాముద్ధీన్, మునిమంద రమేశ్, చిలుముల శంకర్, జయరాం యాదవ్, నాతరి స్వామి తదితరులు పాల్గొన్నారు.
