- ఎమ్మెల్యే వివేక్ వెంకటస్వామి, ఎంపీ వంశీకృష్ణ చొరవతో ఏర్పాటు
చెన్నూరు, వెలుగు: సరస్వతి పుష్కరాలకు వెళ్లే భక్తుల దాహార్తిని తీర్చేందుకు ఎమ్మెల్యే వివేక్ వెంకటస్వామి, ఎంపీ వంశీకృష్ణ చొరవతో చెన్నూర్ బస్టాండ్ ఆవరణలో చలివేంద్రం ఏర్పాటు చేశారు. దాన్ని కాంగ్రెస్ నాయకులు శుక్రవారం ప్రారంభించారు. కాళేశ్వరం వద్ద ప్రభుత్వం ఆధ్వర్యంలో12 రోజులపాటు జరగనున్న పుష్కరాలకు వివిధ ప్రాంతాల నుంచి వేలాది మంది భక్తులు పిల్లాపాపలతో రానున్నారని తెలిపారు. వారికి చల్లటి నీరు అందించే ఏర్పాటు చేసిన ఎమ్మెల్యే, ఎంపీకి కృతజ్ఞతలు తెలిపారు.
బోర్వెల్ మంజూరు.. పనులు ప్రారంభం
కోల్బెల్ట్, వెలుగు: మందమర్రి పట్టణంలోని13వ వార్డు తాపీ భవన నిర్మాణ కార్మిక సంఘం కార్యాలయంలో తాగునీటి వసతి కోసం ఎమ్మెల్యే వివేక్ వెంకటస్వామి బోర్వెల్ మంజూరు చేశారు. శుక్రవారం సంబంధిత పనులను తాపీ భవన నిర్మాణ కార్మిక సంఘం గౌరవ అధ్యక్షుడు బండి సదానందం యాదవ్ ప్రారంభించారు. ఈ సందర్భంగా ఆయన మాట్లాడుతూ.. 2 నెలల క్రితం సంఘం భవనానికి ప్రహరీ, బోర్వెల్ కావాలని చెన్నూరు ఎమ్మెల్యే వివేక్ వెంకటస్వామి, పెద్దపల్లి ఎంపీ గడ్డం వంశీకృష్ణను కోరినట్లు తెలిపారు.
వారు స్పందించి, మోటార్ కనెక్షన్తో బోర్వెల్, ప్రహరీ నిర్మాణానికి నిధులు మంజూరు చేశారన్నారు. కాంగ్రెస్ లీడర్లు తిరుమల్రెడ్డి, రాగిడి రాంరెడ్డి, నాగుల దుర్గయ్య, కోట రాజన్న, మద్దూరి రాయమల్లు తదితరులు పాల్గొన్నారు.
