మహబూబాబాద్, వెలుగు: తెలంగాణ ప్రజలు అవినీతి కాంగ్రెస్కు బుద్ధి చెప్పాలని రాజస్థాన్ సీఎం భజన్ లాల్ శర్మ కోరారు. దేశ ప్రజలందరూ మోదీ నాయకత్వాన్ని కొరుకుంటున్నారని తెలిపారు. మోదీ మూడోసారి ప్రధాని కావడం ఖాయమన్నారు. గురువారం మహబూబాబాద్ జిల్లా తొర్రూరులో ఏర్పాటు చేసిన ‘పాలకుర్తి జనసభ’కు భజన్లాల్ ముఖ్య అతిథిగా హాజరై మాట్లాడారు. వరంగల్ బీజేపీ ఎంపీ అభ్యర్థి ఆరూరి రమేశ్ను గెలిపించాలని కోరారు.
రాష్ట్రంలో కాంగ్రెస్ అవినీతిలో కూరుకుపోయిందని.. ప్రజలు ఆ పార్టీకి బుద్ధి చెప్పాలన్నారు. ప్రజలకు ఇచ్చిన హామీలు అమలు చేయకుండా నిర్లక్ష్యం చేస్తుందని ఆరోపించారు. ఆరూరి రమేశ్ మాట్లాడుతూ.. రాష్ట్రంలో ఐదు నెలల కాంగ్రెస్ పాలనతో ప్రజలు విసుగిపోయారన్నారు. మార్పు అని మాయ మాటలు చెప్పి ప్రజలను మోసం చేసి ఆ పార్టీ గద్దెనెక్కిందన్నారు. తాను ఎంపీగా గెలిస్తే తొర్రూరు పెద్ద చెరువును మినీ ట్యాంక్ బండ్గా మారుస్తానని, కొడకండ్ల లో టెక్స్ట్ టైల్ పార్క్ ఏర్పాటు కు కృషి చేస్తానని తెలిపారు.
