భువనగిరి: చాకలి ఐలమ్మ.. ఈ పేరు వింటేనే ఎంతోమందిలో చైతన్యం వస్తుంది. దున్నేవాడిదే భూమి అని సాగిన తెలంగాణ సాయుధ పోరాటంలో ఐలమ్మ ఓ నిప్పురవ్వ. ఈ వీరవణిత పేరు లేకుండా సాయిధ పోరాట చరిత్రే లేదు. రైతులు, కూలీలను ఏకం చేసి ఉద్యమానికి ఊపిరూలూదింది. అటువంటి చాకలి ఐలమ్మ 126వ జయంతి సందర్భంగా ఆలేరులో ఆమె విగ్రహాన్ని భువనగిరి పార్లమెంట్ సభ్యుడు కోమటిరెడ్డి వెంకటరెడ్డి ఆవిష్కరించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడారు.
‘చాకలి ఐలమ్మ విగ్రహ ఆవిష్కరణ చేసినందుకు గర్వంగా ఉంది. ఇటువంటి గొప్ప కార్యక్రమం నాతో చేయించినందుకు కృతజ్ఞతలు. ఇలాంటి వారి విగ్రహాలు హైదరాబాద్ నడి బొడ్డున ట్యాంక్బండ్ పైన పెట్టాలి. వీళ్ళ చరిత్రను పాఠ్య పుస్తకాల్లోకి ఎక్కించాలి. చాకలి ఐలమ్మ జయంతి, వర్ధంతిని ప్రభుత్వం అధికారికంగా చేయాలి. చాకలి ఐలమ్మ విగ్రహావిష్కరణ ఆహ్వానం అందించిన ఆలేరు ఎమ్మెల్యే గొంగిడి సునీతా మహేందర్ రెడ్డి ఈ కార్యక్రమానికి హాజరు కాకపోవడం బాధాకరం’ అని వెంకట్ రెడ్డి అన్నారు.
For More News..
