టాలీవుడ్ కింగ్ అక్కినేని నాగార్జున నటిస్తున్న తాజా చిత్రం ‘ది ఘోస్ట్’. ఇందులో నాగార్జునకు జోడీగా సోనాల్ చౌహాన్ నటిస్తోంది. ప్రవీణ్ స‌త్తారు ద‌ర్శక‌త్వంలో రూపొందుతున్న ఈ చిత్రాన్ని ద‌స‌రా కానుక‌గా అక్టోబ‌ర్ 5న విడుదల చేయనున్నారు. ఈ నేపథ్యంలో ఇవాళ 'గన్స్ అండ్ స్వార్డ్స్ యాక్షన్ వీడియో' అంటూ ఓ మేకింగ్ వీడియోని విడుదల చేశారు మేకర్స్.
గన్స్ షూటింగ్ తో పాటు కత్తి ఫైట్ కి సంబంధించి.. నాగ్ శిక్షణ తీసుకున్న విజువల్స్ ను చూపించారు. హీరోయిన్ సోనాల్ చౌహాన్ కూడా ఫైట్స్ లో ప్రత్యేక శిక్షణతో పాటు ప్రాక్టీస్ చేసినట్టగా ఈ మేకింగ్ వీడియో చూస్తే తెలుస్తోంది. ఈ సినిమాలో ఈ ఇద్దరు ఇంటర్ పోల్ అధికారులుగా నటించారు. బాలీవుడ్ నటి గుల్ పనాగ్, తమిళ నటి అనికా సురేంద్రన్ ఈ మూవీలో కీలక పాత్రల్లో కనిపించనున్నారు.
శ్రీ వెంకటేశ్వర సినిమాస్ ఎల్ఎల్పి, నార్త్ స్టార్ ఎంటర్ టైన్ మెంట్ బ్యానర్స్ పై ఈ చిత్రం తెరకెక్కుతోంది. పుస్కూర్ రామ్మోహన్ రావు, శరత్ మరార్, సునీల్ నారంగ్ లు ఈ సినిమాను అత్యంత భారీ బడ్జెట్ తో నిర్మిస్తున్నారు. ఈ మూవీ నుండి ఇప్పటికే రిలీజైన టీజ‌ర్‌, ట్రైల‌ర్‌లతో సినిమాపై భారీ అంచనాలు నెలకొన్నాయి.
