నాగర్ కర్నూల్ టౌన్, వెలుగు : జిల్లా కేంద్రంలోని మెడికల్ కాలేజీలో పని చేస్తున్న మహిళా స్వీపర్(34)పై అదే కాలేజీలో పని చేస్తున్న సూపర్వైజర్ మహేశ్ అత్యాచారయత్నం చేశాడు. బాధితురాలి కథనం ప్రకారం..గురువారం సాయంత్రం నాగర్ కర్నూల్ పట్టణంలోని హౌసింగ్ బోర్డులో ఉన్న సాయి ఏజెన్సీ ఆఫీస్ క్లీన్ చేయాలని స్వీపర్ ను సూపర్వైజర్ మహేశ్ పిలిపించాడు.
ఆఫీస్ రూమ్లోకి వెళ్లగానే ఆమె ఫోన్ లాక్కుని అత్యాచారయత్నం చేయబోయాడు. వెంటనే ఆమె అతడిని ప్రతిఘటించి బయటికి వచ్చేసింది. తన భర్తకు ఫోన్ చేసి విషయం చెప్పడంతో అతడు మెడికల్ కాలేజీ స్టాఫ్కు సమాచారం ఇచ్చాడు. తర్వాత వారు సూపర్వైజర్ ను తొలగించాలని ఆందోళన చేయడమే కాకుండా డ్యూటీలో ఉన్న మహేశ్ను చితకబాది, పోలీసులకు సమాచారమిచ్చారు. వారు నిందితుడిని అదుపులోకి తీసుకున్నారు. కేసు నమోదు చేశామని పోలీసులు చెప్పారు. ఈ వ్యవహారంలో రాజీ కుదిర్చే ప్రయత్నాలు జరుగుతున్నట్టు తెలిసింది.
