నాగశౌర్య హీరోగా రామ్ దేశినా (రమేష్‌) దర్శకత్వంలో తెరకెక్కుతోన్న యాక్షన్‌ ఎంటర్‌‌‌‌టైనర్ ‘బ్యాడ్ బాయ్ కార్తీక్’. శ్రీ వైష్ణవి ఫిల్మ్స్ బ్యానర్‌‌పై శ్రీనివాసరావు చింతలపూడి నిర్మిస్తున్నారు. తాజాగా ఈ మూవీ షూటింగ్ పూర్తయినట్టు మేకర్స్ తెలియజేశారు. ప్రస్తుతం పోస్ట్ ప్రొడక్షన్ పనులు శరవేగంగా జరుగుతున్నాయి. త్వరలోనే రిలీజ్ డేట్‌‌ని అనౌన్స్ చేస్తామని చెప్పారు. ఇప్పటికే విడుదల చేసిన నాగ శౌర్య ఫస్ట్ లుక్‌‌కి మంచి రెస్పాన్స్ వచ్చింది.
విధి హీరోయిన్‌‌గా నటిస్తున్న ఈ చిత్రంలో సముద్రఖని, నరేష్, సాయికుమార్, వెన్నెల కిషోర్, మైమ్ గోపి, శ్రీదేవి విజయ్ కుమార్, బ్రహ్మాజీ, పృథ్వీ, సుదర్శన్, కృష్ణుడు ఇతర ముఖ్యపాత్రలు పోషిస్తున్నారు. సంగీత దర్శకుడు హారిస్ జయరాజ్ తెలుగు సినిమాకు కమ్ బ్యాక్ ఇస్తూ మ్యూజిక్ కంపోజ్ చేస్తున్నాడు.
